Akolose 2:19 - Mawu a Mulluku

¹⁹ Nave aahiya waangellella va Khrisitu oyo ori muru wa mwiilli. Ovenyera mwa muruulla, mwiilli muttheene onnamakellelliwa nimodda nave onallipihiwa ni mookumanella eziwalo nave onnuunuwa wonanko mmo Mulluku anapaallelleeye wi wunnuwe.

Akolose 2:19 ပူးပေါင်းရင်းမြစ်များ

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

1 Petro 3:8

Voomallihella, attheenenyu munapaalleya muhikanganeke koma mumorellaneke ethakaraka. Mukondaneke wonanko muthu ni mwanamunne apaalle ni murokoriye nave mukhalleke ooreera murima ni awiiyeviha.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

1 Atesalonika 4:10

Munneera ddenndda wa asinninyu ni arokorinyu attheene mu Masedoniya muttheene. Koma ninnullipihani murima, asinnihu ni arokorihu wi mweereke ddenndda ohiyana ni khalle.

1 Atesalonika 3:12

Ninaaveka Apwiya wi yoonjerere ni wunnuwiha echikondaanyu va ookhulupilila akhwiinyu nave va athu attheene wonanko mmo echikondaahu va nyuwaano yunnuwelliiwa.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

Akolose 1:10

Mweeddiiddo muneerowora okhalla wonanko Apwiya enapaallelliiwa nave enthawi ddittheddene muneerekeweera ddoomuhakallalliha olliye. Makhallellwaanyu oneerewimma ezipaso ddaphaama ddoohiyanahiyana nave omudduwella wanyu Mulluku oneerewunnuwa.

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Aefeso 5:29

Athu kheniitana ni miilli ddiwa koma ennachiha miillinnddo ni owehera, wonanko mmo Khrisitu aneerelleeye mpingo,

Aefeso 4:3

Mweeseeseke osunga omoddoolla oyo onavahiwa ni Munepa oyeella mwamurendelle oyo waattaniha vamodda.

Aefeso 1:22

Mulluku aahiya ddeko ddittheddene m'mattani mwa Khrisitu nave aamweeriha wi akhalle muru a ddeko ddittheddene wi apindulelle mpingo.

1 Akorinto 3:6

Miyaano kaamidda mmiddo, Apolo aahellella maaddi nave tti Mulluku eerihalle ddoomella wi ddunnuwe.

1 Akorinto 1:10

Mu nnddina na Apwiihu Yesu Khrisitu kinimuuvekani nyuwaano attheene, asinnaka ni arokoraka wi mwiiwananeke va nnddo munalloteenyu wi vihikhalle okawaneya variyari vanyu. Mukhalleke awaattana m'murimani mwanyu ni m'maganizoni mwanyu.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

1 Akorinto 11:3

Nave kinapaalla wi mwiiwesese wi Khrisitu tti muru wa arive mullopwana, mullopwana tti muru a mutthiyana nave Mulluku tti muru a Khrisitu.

Aefeso 1:23

Mpingo tti mwiilli wa Khrisitu, wooddalliwa ni olliye oyo anakwakhwaniha ddeko ddittheddene mwa arive muthu.

Aefeso 2:21

Olliye sika anatukhulla enyumba ettheene vamodda nave anneeriha wi yinnuwe ekhalle enyumba ya yaweella yoovelleelliwa wa Apwiya.

Luka 5:38

Koma vinyo mushooyo anahelliwa m'mathumbani asha.