Akolose 2:18 - Mawu a Mulluku

¹⁸ Muhaakhullelle wi mweeruziweke ni athu ayo eniiyeviha weekhiiwa mwawoottha, enaallapella angelo nave eniitukhulla ni woona ddamuhoollo. Ddenndda tti ddoohikhalla ni mutteko kaambiiwa athu yaalla aaddalliwa ni ezeru dda omuthu.

Akolose 2:18 ပူးပေါင်းရင်းမြစ်များ

Akolose 2:8

Chenjerani wi vihikhalle mmodda anaweeriheni wi mukhalle akaporo vawuuhollosani ni ezeru ddawoottha ni ddoohikhalla ni mutteko, nnddo ddinavenyera mu ehuddiho dda athu ni ddoovenyera o minepa ddoolamulella dda oddullu ohiri ddoovenyera wa Khrisitu.

1 Timoteo 1:7

Enapaalla wi ekhalle ahuddihi a malamulo* a Mulluku koma kheniiwesesa naari mawiiwa ayo enasimikiziiwa.

Akolose 2:23

Ddawoona malamulo yaalla enooneya wonanko tti eezeru voollapellani angelo ni wiiyeviha wawoottha ni ohoosa mwiilli nave malamulo yaalla khenawora ohiiha minkhella dda mwiilli.

1 Timoteo 4:1

Nave Munepa Waweella annallota moollotesesa wi m'mallaponi oomallihella athu amodda eneerohiya echikhulupililwiiwa ni wiiwellella minepa ddoohollosa ni othwara ehuddiho dda minepa ddoonanara.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

Aroma 1:25

Yaatthattusa yawoona ya Mulluku okhalla yawoottha. Enallapella ni orumeyella ddoophatusiwa ni Mulluku munipuroni mwa Mulluku oophatusa oyo anaphwanella otitimihiwa va enthawi yoohimalla! Amen.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Yawuupullulla 3:11

Koma ophiyera kiwiille, nyuwaano munaphwanella muphare moollipiha eyo muriinyuna wi ahikhallevo mmodda anawaakheni emphaswaanyu.

1 Yohane 2:26

Kinuulembellani dda ayo enapaalla owoottotthani.

Afilipi 3:14

Sika kinathamaka ni yoolinga wi kathuviwe okumi wooddullu oyo Mulluku akiithanelleeye oweella mwa Khrisitu Yesu.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

1 Akorinto 8:1

Vano kinaaka killote dda ddoocha ddooheraatthiwa mukutho wa mafano nnddo mwaalembilleenyu. Tti ddawoona wi attheene nookhalla ni ezeru. Vano ezeru ddinnaweeriha athu okota; koma echikondi sika enallipiha.

Daniele 11:38

Munipuroni mwiwa anaamullapelleke mulluku amipanda ddoollipa oyo makhollwaaye kheyaamudduwenlle. Aneerovelleella wa mullukooyo golide, siliva, malluku oowallamella mutengo ni emphaso ddooreeresesa.

Ezekiele 13:3

Mi Apwiya Mulluku kinallota wi, ‘Otulli anamallotella ookarangeya ayo enallotella dda m'muruni mwiwa, ehoonille erive ello yoovenyera wa miyaano.

Numeri 25:18

Yaalla yaaweerellani ddoonanara vawuullekani o Peori navettho ekaamba ya mwaha wa murokoriwa Kozibi, mwaana a oohoollella a o Midiyani oyo iiphiwe va enthawi ya mullilli ekaamba ya nndde ddeereyille o Peori.”

Genesis 3:13

Vano Apwiya yaamukoha mutthiyana wi, “Ethiyo weyaano, ella weerilleewe tti tini?” Mutthiyana ahaakhulla wi, “Enowa sika yakillekille wi kiche.”

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

Akolose 2:4

Vano kinimuulleellani, muhaakhullelle wi mmodda uuholloseni ni mawu oolleka.

2 Akorinto 12:20

Kinoova wi kawa kinuuphwanyeni muri oohiyana ni mmo kinapaallelleemi wi mukhalle nave munaakiphwanye kiri oohiyana ni mmo munapaallelleenyu wi kikhalle. Kinoova wi kinaaphwanye okangana, ehache, osha murima wiiddivella, epewe, miseche, wiitukhulla ni waanganyera.

1 Akorinto 13:4

Echikondi enniithaalla nave ennareera murima. Echikondi khenaakhallella ehache athu amodda apaalle wiitukhulla apaalle okota.

1 Akorinto 9:24

Ethiyo khamunadduwella wi va mpikisano woothamaka athu anchichi ennathamakana koma mmoddave sika anathuviwa. Sika vano thamakakani phaama wi mwathuviwe.

1 Akorinto 4:18

Amoddanyu munnakota kaambiiwa muneesa wi ngiwaawo owaninyu.

1 Akorinto 3:3

kaambiiwa munakhallave wonanko enakhallella athu a ellapo yavatthi ella. Vaakhalla ehache ni okangana variyari vanyu, nndda khaddinoonihella wi nyuwaano tti a ellapo yavatthi ella ni okhalla ni makhallello a muthu?

Aroma 16:18

Vawi athu yaayo khenamurumeyella Khrisitu, Apwiihu koma minkhella ddiwa. Ennaalleka athu ooreera murima voollotani mawu ooreeriha.

Yesaya 57:9

Munniihella makhura ni ddawunkhella ddinchichi nave munnaya woollapella nifano na Moleki. Munnaaruma amithenga naari o ellapo ya ookhwa.

Yobu 38:2

Ethiyo ttaani ananariha malangizo ni mawaaye oohikhalla ni ezeru?

Deuteronomo 29:29

“Vookhalla ddeko ddimodda nnddo Apwiya Mullukwaahu yahuupullullalliiwa wa hiyaano koma aanupullullella malamulwiiwa ayo hiyaano ni edduullu ddahu ninaphwanelleehu owiiwellella enthawi ddittheddene.”

1 Akorinto 4:6

Asinnaka ni arokoraka, killotilleeminndda tti dda miyaano ni Apolo wi nikhalle echisanzwaanyu wi dduuhuddiheni ottaphullella mawu awi, “Muthwareke nnddo ddalembiwe.” Vano muhiitukhulleke mwa muthu mmodda ni omuvevulla mmodda.

Aefeso 4:17

Vano mu nnddina na Apwiya, kinimuuchenjezani wi muhivirellelle okhalla wonanko athu oohimullapella Mulluku, ookhalla ni maganizo ohikhalla ni mutteko.