Akolose 2:16 - Mawu a Mulluku

¹⁶ Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

Akolose 2:16 ပူးပေါင်းရင်းမြစ်များ

Aroma 14:10

Sika kaambiiwa tini munaweeruzeenyu asinninyu ni arokorinyu? Kaambiiwa tini munaavevulleenyu alliwaayo? Vawi attheene nineerewiimella vamiitthoni va Mulluku wi aneeruze.

Agalatiya 4:10

Munnasunga mallapo, miyeri, enthawi ddimodda dda muyakha ni miyakha.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Ezekiele 45:17

Nave mwene avelleelleke ddoopaalleya va mikutho ddooshellelliha, mikutho dda yoocha, mikutho dda ddoowirya va mallapo a Ehakallallo ya Wooneya wa Mweeri, a Sabata ni mamodda ayo Aisraele enaasungiiwa. Mwene avelleelleke ddoopaalleya va mikutho ddoopepesella, mikutho dda yoocha, mikutho ddooshellelliha ni mikutho ddeeyaattano wi ddivenyihe machimo a Aisraele.”

Nehemiya 10:33

Monga buledi oopatuleya, mikutho dda nllapo ni nllapo dda yoocha ni ddooshellelliha owaaka mikutho dda masabata, dda Ehakallallo ya Wooneya wa Mweeri, dda ehakallallo ddimodda, dda ddeko ddoopatuleya, dda ddoopepesella machimo a Aisraele owaakattho mitteko ddittheddene dda o enyumba ya Mullukwaahu.

1 Epilli 23:31

erive enthawi mikutho ddooshellelliha ddaavelleelliwaka wa Apwiya dda masabata, dda wooneya wa mweeri navettho dda erive ehakallallo ya mallapello. Mitteko ddawaarumeyella Apwiyanndda eneeroddeera wa enthawi yoohimalla.

Mateyu 15:11

Khe ello eyo enavollowa muwano mwa muthu enamuripiha vamiitthoni va Mulluku koma eyo enukhuma muwano mwaye sika enamuripiha.”

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

Yakobo 4:11

Asinnaka na arokoraka, muhillotellaneke ddoonanara. Oyo anallota ddoonanara dda ookhulupilila mukhwaaye apaalle omweeruza, anallotella ddoonanara moovaanyana ni malamulo komattho anaweeruza malamulo. Nave waweeruza malamulo, khorittho aweera malamulo koma aweeruza.

Mariko 7:19

Kaambiiwa khenavollowa m'murimani koma enavollowa m'mwiillini nave ennakhuma etathilliwa?” Voollotani ddenndda, Yesu aakamulla wi ddoochiwa ddittheddene ddichiweke.

Mitteko 15:20

Koma naalembelle kalata owaalleella wi ehicheke enama ddooheraatthiwa wa mafano kaambiiwa tti ddoonanara. Nave ehiraruweke. Navettho ehicheke enama ddawiiphiwa mwawi manyokotholla makohi nave ehichekettho nikhame na enama.

Ezekiele 4:14

Koma miyaano kaallota wi, “Nyu Apwiya Mulluku, miyaanothi nginiiripiheke ddiidda. Ovenyera enamwanaaka ophiyera ollello, nginachekevo enama yookhwa weekhiiwa apaalle yoottakhuniwa ni enama ddamuhakani, enama yooripihiwa khenaphiyeke vayanoni vaka.”

Yesaya 1:13

Muhiweenattho mikutho ddoohikhalla ni mutteko vawi naari mwiisi wa lubani* onnakinanara. Ngivillellana mitthukumano ddanyu ddamavekello apaalle Ehakallallo dda Wooneya wa Mweeri ni dda mallapwaanyu a Sabata. Ngivillella ni mitthukumano ddoonanarihiwa ni machimo.

Masalimo 81:3

Ipani nipallapata va wooneya wa mweeri, wooneya wamututha va nllapo na ehakallallo.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Nehemiya 10:31

Nave athu a mitundu ddimodda amwiillaponimmo yawaana tirigu apaalle ddeko ddimodda ddookulliha va nllapo na Sabata, khenaakulla nllapo nenno naarittho va nirive nllapo naweella. Orive muyakha waneetthanu ni piilli nineerewiithuuwiha emata nave nineerokhululukella ekongoli ddittheddene.

Nehemiya 8:9

Vano Nehemiya oyo aari enduna, Ezara mullupa mukutho ni namalembella, Alevi ayo yaahuddiha athu yaallota wa athu attheene wi, “Nllapo nenna tti naweella wa Apwiya Mullukwaanyu, sika muhimoriwe ethakaraka ni winlla.” Vawi athu attheene yahinlla mvo yiiwalliiwa mawu a malamulwaayo.

2 Mamwene 4:23

Nave mamunooyo aamukoha wi, “Kaambiiwa tini ollello munayeenyu wa olliye? Ollellothi khe nllapo na Ehakallallo ya Wooneya wa Mweeri apaalle nllapo na Sabata.” Mutthiyanooyo ahaakhulla wi, “Khaviri yookatamiha.”

1 Samuele 20:18

Vano Yonatani aallotattho wi, “Osiisello tti nllapo na Ehakallallo ya Wooneya wa Mweeri nave va ehakallallweeyo eneerodduwella wi weyaano khawiivo vawi vampandoni vawo khavikhalla muthu.

1 Samuele 20:5

Davide aamwaakhulla Yonatani wi, “Osiisello tti nllapo na Ehakallallo ya Wooneya wa Mweeri nave kinaphwanella wi kache ni amwene. Koma okaakhullelle wi kiipitthe m'matani ophiyera omuroto misikuwa.

Levitiko 16:31

Nenna ninaakhalle nllapo nanyu nawiithuuwa wonanko na Sabata nave muhalle ocha. Nenna nikhalle lamulo nanyu na enthawi yoohimalla.

Amosi 8:5

muniikoha nyookha wi, ‘Ethiyo Ehakallallo ya Wooneya wa Mweeri enaamalle niini wi nikullihe ddoohata, nllapo na Sabata ninaamalle niini wi nimukullihettho tirigu, wi niyevihe ddoolingella katundu, wi niwellihe mitengo, wi niwiiyere athu ni masikelo awoottha,

Numeri 10:10

Va mallapwaanyu oohakallalla, ootthoolliwa a Ehakallallo dda Wooneya wa Mweeri, mwiipe mapallapata mwaavelleellaka mikutho ddooshellelliha ni mikutho ddeeyaattano. Mapallapataayo eneerewuukaviherani wi kiwuupuwellekeni. Mi tti Apwiya Mullukwaanyu.”

2 Epilli 31:3

Nave ddoovelleella dda mwene ovenyera o eyuumaaye ddaari mikutho ddooshellelliha dda ohinase dda misikuwa, dda masabata ni dda Ehakallallo ya Wooneya wa Mweeri ni dda ehakallallo ddimodda moollikana ni mmo ddalembelliwiiwa m'malamuloni a Apwiya.

Akolose 2:20

Mookhwa ni Khrisitu nave moottaphulliwa wa minepa ddoolamulella dda ellapo yavatthi. Ethiyo vano, munakhallella tini wonanko nyuwaano tti a mu ellapo yeella? Kaambiiwa tini muniiwellellaanyu malamulo awi,