Akolose 2:14 - Mawu a Mulluku

¹⁴ Mulluku aafuta mullatu oyo walembiwe moonihumullulla hiyaano ekaamba yoohiiwellella malamulo. Enre ddenndda vootthomeyani vamutandani.

Akolose 2:14 ပူးပေါင်းရင်းမြစ်များ

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Aheberi 8:13

Voollotani dda echipangano yanaanweeneella, Mulluku anallota wi yawaambeelle tti yoomalla mutteko nave erive ello yakhalla yoomalla mutteko nave yaahuwa eri vakhuviru omalla.

Aheberi 7:18

Vano lamulo nakhallenne noohiyiwa kaambiiwa naari noohikhalla ni masiva nave khanaarina mutteko.

Akolose 2:20

Mookhwa ni Khrisitu nave moottaphulliwa wa minepa ddoolamulella dda ellapo yavatthi. Ethiyo vano, munakhallella tini wonanko nyuwaano tti a mu ellapo yeella? Kaambiiwa tini muniiwellellaanyu malamulo awi,

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Yesaya 57:14

Vineerewiiweya mawu awi, “Llimani, llimani, okollani musewu. Venyihanivoni erive yookwakwatuwiha mu musewu wa athwaaka.”

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Numeri 5:23

“Mullupa mukutho alembe munibukhuni matembelelo yaalla nave aathiimihe vawaaruweyani m'maaddini oowaawaalle.

2 Atesalonika 2:7

Nave mwawiipittheya arina ophara mutteko koma oyo anamuselliha anapaalleeye wi aambe ovenyihiwavo.

Masalimo 51:9

Muhinaweha machimwaaka, muvuhellelle ddoonanara ddaka.

Estere 3:12

Vano alembi a mwene yahiithaniwa va nllapo na khumi ni naneeraru na mweeri wawaamba nave yaamulemba kalata oollota ddittheddene nnddo Hamani alamulalleeye. Yaamurumiha wa attekweene ni allupa mutteko a mwene ni enduna dda mu ezigawo ddittheddene, o erive echigawo moollikana ni mmo enalembelliiwa navettho wa nirive nlloko mu ellotellwiiwa. Kalatooyo alembiwe mu nnddina na mwene Ahasuwero nave aadindiwa ni emphetaaye.

Nehemiya 4:5

Muhaakhululukelle ddoolakwa ddiwa nave muhivuhellelle machimwiiwa vawi yoottatthamulla owallaanyu vamiitthoni va athu eeruso yoomaka.”

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Estere 8:8

Koma lamulo noolembiwa mu nnddina na mwene ni odindiwa ni emphete ya mwene, khaavo anawora onirukunusa. Sika nyuwaano mwaalembellettho Ayuda mmo munapaallelleenyu, mu nnddina na mwene ni odinda ni emphete ya mwene.”