Akolose 2:11 - Mawu a Mulluku

¹¹ Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

Akolose 2:11 ပူးပေါင်းရင်းမြစ်များ

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Aefeso 4:22

Sika muhiye makhallellwaanyu akhalle ayo yaweerihalleni wi mukhalleke mwawi ddiiddo, makhallellwaanyu akhalle ayo yuntihiwe ni minkhella ddoolleka.

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Deuteronomo 30:6

Apwiya Mullukwaanyu eneerophadda m'murimani mwa nyuwaano ni edduullu ddanyu wawi muneerekewaakonda Apwiya Mullukwaanyu ni murimaanyu muttheene ni okumaanyu muttheene. Sika muneerovirellella okhalla ni okumi mwiillaponimmo.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Deuteronomo 10:16

Sika vano muphadde m'murimani mwanyu nave muhiye wumma murima.

Aheberi 9:11

Koma Khrisitu awiille wonanko mullupa mukutho muullupalli a ddeko ddaphaama nnddo ddirivo khalle. Aayaattho mu musasa woollapellamo waphaama wunchichi oyo ohimakiwe ni athu nave yooyo khohiyoni wa ellapo yavattheella.

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

2 Akorinto 5:1

Vawi ninnadduwella wi musasa olla ninakhalleehumo wakumulliwa, oyo tti mwiillaahu wa va ellapo yavatthimva, Mulluku aneeronivaha enyumba yoohimalla oddullu eyo ayikhozilleye.

Mitteko 17:24

Mulluku, oyo aphatusalle ellapo yavatthi ni ddeko ddittheddene ddiri mwemmo, sika tti Apwiya ooddullu ni ellapo yavatthi nave khanakhalla mu enyumba ddoollapellamo ddoomakiwa ni athu.

Mitteko 7:48

“Koma Mulluku Muullupalli khanakhalla mu enyumba ddoomakiwa ni athu moollikana ni mmo alembille namallotella wi,

Luka 2:21

Viviralle mallapo matthanu ni mararu, enthawi yaakwakhwana yawi mwaanooyo aphaddiwe nave aavahiwa nnddina nawi Yesu. Nnddina nenna avahiwe ni mungelo, Mariya ahinakhalle ni erukullu.

Mariko 14:58

“Hi naamwiiwa allotaka wi, ‘Miyaano kineerokumulla enyumba ya Mullukweella yoomakiwa ni athu nave vavira mallapo mararu kineeromaka emodda yoohimakiwa ni athu.’ ”

Aroma 7:24

Mi tti muthu ootulli! Ttaani anaakaakihe ovenyera o omuthu olla onakikusella okhwa?

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).