Akolose 1:28 - Mawu a Mulluku

²⁸ Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

Akolose 1:28 ပူးပေါင်းရင်းမြစ်များ

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Mateyu 5:48

Munaphwanella wi mukhalle aweella wunchichi vawi Attiitthaanyu ooddullu tti aweella.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

1 Akorinto 2:6

Nave kinallalleya othenga wa ezeru wa athu oowaraalla m'munepani. Nave khe ezeru ya ellapo yavattheella apaalle ya oolamulella a ellapweella, ayo masiviiwa enamalla.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Mitteko 8:35

Vano Filipo ahaamba ollota, aambeelle va mawu yaalla, aamullalleyella dda othenga waphaama dda Yesu.

Aheberi 10:14

Ni mukutho mmoddoolla, aaweeriha wi ekhalle aphaama woohimalla athu ayo aweellihalleeye.

1 Timoteo 3:2

Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

Akolose 2:10

nave moovahiwa okumi muttheene mu eyaattano ni olliyooyo. Olliye tti muullupalli a oolamulella attheene ni masiva mattheene ooddullu.

1 Akorinto 12:8

Munepa anamvaha muthu mmodda othenga wa ezeru nave Munepa mmoddamoddave yooyo anamuvaha muthu mmodda othenga woodduwelliha.

Aefeso 3:8

Mi tti mung'onong'ono wunchichi waakhwaranya athu attheene a Mulluku. Naari ddiri ddiiddo, Mulluku aakivaha mutteko yoolla wi killalleye wa athu ayo ehiri Ayuda othenga waphaama wa dda waata wa eyuuma ya Khrisitu,

2 Akorinto 10:14

Sika khanaakhwarannye muyezwaahu nawiilleehu wa nyuwaano. Naari awaamba owaana othenga waphaama wa Khrisitu wa nyuwaano.

1 Akorinto 15:12

Othengaahu tti wawi Khrisitu oovenyihiwa wa ookhwa. Kaambiiwa tini amoddanyu munallota wi athu ookhwa khewa evenya?

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

1 Akorinto 2:15

Oyo arina Munepa, annawora odduwella oreera wa erive ello nave khaavo anamudduwella olliye.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Mitteko 17:3

Nave ahaatthopoollella mawu a Mulluku navettho aawoonihella wi Mesiya* anaphwanella ohoosiwa nave avenye wa ookhwa. Nave aallota wi, “Yesu yoolla kinamullalleyeemi wa nyuwaano sika Mesiyooyo.”

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mitteko 9:20

Enthawi yeeyo ahaamba ollalleya mu enyumba ddamavekello wi Yesu tti Mwaana a Mulluku.

Mitteko 8:5

Nave Filipo* aaya o muzinda muullupalli wa Samariya aallalleyella athu dda Mesiya.*

Mitteko 5:42

Nave nllapo ni nllapo mu enyumba ya Mulluku ni mu enyumba dda athu yaavirellella ohuddiha ni ollalleya othenga waphaama wa Yesu, Mesiya.*

Mitteko 3:20

Vano Apwiya eneerewuuvahani enthawi yawiithuuwa nave eneeromurumiha Yesu, oyo tti Mesiya, oyo amutthoonlleeye khalle ekaamba ya nyuwaano.

Mariko 6:34

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka kaambiiwa yaari wonanko enkhosa ddoohikhalla ni mbusa. Sika ahaamba waahuddiha ddeko ddinchichi.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

Oollalleya 12:9

Woonjerera va wi oollalleya aari eezeru, ahaahuddiha athu anchichi. Aanaganizera ddawaashaasha ni otthopoolla malangizo moopwatha phaama.

Miyambo 8:5

Nyu athu eenamwani, chenjerani. Nyu ookarangeya, iwesesani.

Deuteronomo 4:5

“Kahuuhuddihani malamulo ni malangizo mattheene moollikana ni mmo Apwiya Mullukwaaka yaakilamulelliiwa. Mwiillaponi eyo munaavolloweenyumo ni waakha, mwiiwellelleke malamulo yaalla.

2 Petro 3:15

Upuwellani wi ovillella wa Apwiihu wahuuvahani ekari yawi muvullusiwe wonanko mmo Paulo, mwanamunnihu ookondiwa, uulembelleeyeni voopharihani mutteko ezeru aavahiweeye ni Mulluku.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

1 Atesalonika 4:6

Mwawi ddiidda, muheereke yoonanara apaalle omulleka mwanamunno apaalle murokoriyo. Vawi Apwiya eneerewaallaka ayo eneera yeeyo wonanko nuulleelleeyeni ni wuuchenjezani khalle.

1 Akorinto 4:14

Kinalembella ella wa nyuwaano ohiri kaambiiwa kuuwulliheni muru koma wi kuuhuddiheni wonanko muri anaaka ookondiwa.

Mitteko 13:38

Dduwellani nndda Aisraele akhwaakanyu wi oweella mwa Yesu, othenga wookhululukelliwa machimo onnallalleyiwa wa nyuwaano. Oweella mu malamulo a Mose khamwaawore ottaphulliwa o machimwaanyu mattheene,

Mitteko 11:20

Koma ookhulupilila amodda, ayo yaari oovenyera o Kupro ni o Kurene yaaya o Antiyokeya ellalleya othenga wa athu ayo ehiri Ayuda, yaalleella othenga waphaama wa Apwiya Yesu.

Ezekiele 7:10

“Onani nllapo nootulli ninimawa! Ollakiwa wanyu woophiya! Okota wanyu woophiya voonanara nave wiitukhulla wanyu wohooneyella vaweella.

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Ezara 7:25

“Vano weyaano Ezara moollikana ni ezeru dda Mullukwaawo nnddo ddiri m'mattani mwawo, waatthoolle aweeruza oohiyanahiyana va athu attheene mu echigawo ya vakhopella va muhinje nave athweene oodduwella malamulo a Mullukwaawo. Vano athu ayo ehinaadduwella oneerekewaahuddiha.

Akolose 2:3

Olliye tti yoohullella ya eyuuma yoovittheya ya ezeru ni odduwella wa Mulluku.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.