Akolose 1:23 - Mawu a Mulluku

²³ Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Akolose 1:23 ပူးပေါင်းရင်းမြစ်များ

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

Aheberi 10:38

Vano athwaaka oolungama eneerokhalla ni okumi ekaamba ya echikhulupililwiiwa. Koma yaahokollweellaka mutulli, nginahakallallana.”

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Aroma 10:18

Nave kinakoha wi, “Tti ddawoona wi kheyaawiiwalle othenga?” Khe ddawoona, yahiiwa, wonanko mmo mawu a Mulluku enallotelliiwa wi, “Mawiiwa yaavuwa mu ellapo yavatthi ettheene nave ddoollota ddiwa ddaaphiya wookomella ellapo yavatthi.”

Aheberi 6:19

Nookhalla ni etiyerello yeella wonanko nangula* ookumaahu eyo eri yookeraattheya ni yoollipa nave ennavollowa ohiyana ni ekatani ya mu enyumba ya Mulluku yooddullu yaphiya muwari mwa nipuro naweella.

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

2 Akorinto 3:6

Tti olliye aaneerihalle wi niwore orumeyella echipangano yanaanweene yoovenyera mwa Munepa ohiri mwa lamulo noolembiwa. Vawi lamulo noolembiwa ninniipha koma Munepa annavaha okumi.

Mitteko 2:5

Vano waakhallattho Ayuda ookhalla o Yerusalemu, ayo yamullapella Mulluku nave oovenyera o ellapo ddittheddene dda vatthimva.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Akolose 1:25

Nave koheeriwa oorumeyella a mpingo ni Mulluku oyo aakivahille mutteko yoolla wi kiphare variyari vanyu. Yoolla tti mutteko woollalleya othengaaye muttheene,

Yohane 15:6

Muthu aahikhalla mwa miyaano annavokhiwa vaatte wonanko enthambi yawumma. Nave enthambi ddennddo ddinnatthukumanihiwa ddivokhelliwa vamunlloni ddisha.

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Aheberi 4:14

Nookhalla ni mullupa mukutho muullupalli oyo ayiille oddullu akhalla vamiitthoni va Mulluku, Yesu, Mwaana a Mulluku. Sika hankoni niphare moollipiha dda echikhulupililwaahu.

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

Agalatiya 5:7

Mwaaneera phaama! Ttaani uuwattenlleni wiiwellella yawoona? Uullekilleni mwawiidde?

2 Akorinto 6:1

Sika voopharani mutteko vamodda ni Mulluku, ninnuuvekani nyuwaano mwaakhenlle echisomo ya Mulluku wi ehikhalle yoohikhalla ni mutteko.

Mariko 16:15

Nave allota wi, “Khaweni o ellapo yavatthi ettheene, mwallalleye othenga waphaama wa athu attheene.

Zefaniya 1:6

Alliwaayo yahaareya etulli Apwiya ehinaathwarattho, ehinawaashaasha apaalle waaveka ezeru.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Deuteronomo 2:25

Waambeella ollello kineerekowoopopiha athu a va ellapo yavatthi wi ewoovekeni. Arive muthu iiwa dda nyuwaano aneerotthukumella ni woova ni otathilla murima ekaamba yoowoovani nyuwaano.’ ”

1 Yohane 2:27

Nave Khrisitu oohella munepaaye va nyuwaano. Munepaaye onnavirellella okhalla mwa nyuwaano, sika khamunamupaallattho mmodda wi uuhuddiheni. Vawi munepaaye annuuhuddihani erive ello nave nnddo anahuddiheeye tti ddawoona, ohiri ddawoottha. Vano mwiiwellelleke ehuddiho ya Munepooyo ni okhallave mu eyaattano ni Khrisitu.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Tito 3:7

Sika wi mwa echisomwaaye nilungamihiwe ni Mulluku navettho wi naakhellena okumi woohimalla oyo ninatiyereehu.

1 Timoteo 2:7

Ella sika ekaambiiwa katthoollelliweemi okhalla oollalleyaaye ni murummwa oowahuddiha athu ayo ehiri Ayuda mawu a echikhulupililo yawoona. Nginoottha, kinallota ddawoona.

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

1 Atesalonika 5:8

Wawi hiyaano tti a otthaana, nihilezeleke. Niware echikhulupililo ni echikondi wonanko yoowara yawiitetezella ekhakadda ni etiyerello ya ovullusiwa wonanko echipewa yawiitetezella omuruni.

1 Atesalonika 3:3

wi mmodda ahihokollweelle mutulli ekaamba ya ddoohoosa ddenndda. Nyuwaano nyookha munnadduwella wi ddoohoosanndda Mulluku aari addaakhullelle wi ddeereye.

Aefeso 4:16

Ovenyera mwa muroolla, mwiilli muttheene onnamakellelliwa nimodda nave onallipihiwa ni mookumanella eziwalo. Sika erive echiwalo yaphara mutteko moophwanellella, mwiilli muttheene onunnuwa ni wiillipiha oweella mu echikondi.

Aefeso 2:21

Olliye sika anatukhulla enyumba ettheene vamodda nave anneeriha wi yinnuwe ekhalle enyumba ya yaweella yoovelleelliwa wa Apwiya.

Agalatiya 5:5

Nave hiyaano, otiyera wahu tti wawi Mulluku anilungamihe wa olliye nave ella sika ninatiyereehu mwamasiva a Munepa a Mulluku oyo onaphara mutteko oyeella mu echikhulupilwaahu.

Agalatiya 4:11

Kinnakhupanya dda nyuwaano! Ethiyo muttekwaaka muttheene va nyuwaano tti woohipindula?

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

1 Akorinto 3:5

Ni okhalla wene, Apolo ttaani? Nave Paulo ttaani? Hiyaano tti oorumeyella a Mulluku, ayo yuuhoollelleni o echikhulupililo. Arive muthu a hiyaano anaphara mutteko Apwiya yaamvahilliiwa wi aphare.

Aroma 15:16

wi kikhalle oorumeyella a Khrisitu Yesu wa athu ayo ehiri Ayuda. Kinarumeyella wonanko mullupa mukutho kaallalleyaka othenga waphaama wa Mulluku wi athu ayo ehiri Ayuda ekhalle wonanko mukutho wawaakhelliwa ni Mulluku yaweellihiwa ni Munepa Waweella.

Aroma 5:5

Nave otiyera wonngu khonaniwulliha muru kaambiiwa Mulluku, oweella mwa Munepa Waweella oyo anivahilleeye, aaddalliha mirima ddahu ni echikondaaye.

Aroma 2:7

Sika athu ayo enavirellellave weera ddaphaama nave enaashaasha ntitimiho ni okumi woohimalla ovenyera wa Mulluku, Mulluku aneerewaavaha okumi woohimalla.

Mitteko 26:16

Nave venya wiimelle, kowooneyella wi kuutthoolle okhalle ookirumeyellaaka. Onaphwanella wi wakhalle mboni wa athu nnddo woonilleewe wa miyaano ollello navettho nnddo onaawooneewe wa miyaano muhoollommu.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Mitteko 1:25

wi akhalle oorumeyellaanyu ni murummwaanyu ovollowa munipuroni mwa Yudasi oyo akhwille moollikana ni mmo aphwanenlleeye.”

Mitteko 1:17

Yudasi aari mmodda a mullokwaahu vawi aatthoolliwattho wi niphareke nimodda muttekwaahu.”

Luka 6:48

Anaphwanaphwana ni muthu oyo voomakani enyumbaaye, aakata moowallamella nave atthipella enyumbeeyo vanllukuni. Muhinje waaddalla ni maaddi, ephiya va enyumbeeyo nave kheyaatikheye kaambiiwa yaamakiwa phaama.

Ezekiele 18:26

Muthu oolungama ahiya ddoolungama ddaye aneera ddoonanara, aneerokhwa ekaamba ya ddoonanara ddaye.

Maliro 3:66

Nyu Apwiya, muwiikarihe moowalli, mwaatthollose va ellapo yavatthi.”

Masalimo 125:5

Koma athu ayo enathwara ettilla ddiwa ddookhoromana, Apwiya eneerowiikarihella nko ori athu oochimwa. Murendelle okhalle ni Israele.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”