Akolose 1:22 - Mawu a Mulluku

²² Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

Akolose 1:22 ပူးပေါင်းရင်းမြစ်များ

Aefeso 5:27

wi iivahe yeekhaaye mpingo wookhalla ni ntitimiho, waweella ni woohikhalla ni yoonanara, woohikhalla ni nipamba apaalle mahoonya apaalle erive ello yoohikhalla phaama.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

Aheberi 10:10

Sika noheellihiwa kaambiiwa Yesu Khrisitu aamwiiwellella Mulluku vawiiheraatthini mukutho wawaamba ni wookomihera.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aroma 7:4

Emoddamoddave yeeyottho nyuwaano, asinnaka ni arokoraka, malamulo khennattho masiva va nyuwaano. Muri wonanko ookhwa o masivaayo, ekaamba ya okhwa wa Khrisitu. Vano moopataana ni mmodda oyo aavenyihiwe wa ookhwa wi nimurumeyelle Mulluku.

Aheberi 10:20

Olliye aanihullella ettilla yanaanweene yoohoollella o okumi oweella va ekatani eyo eri mwiillaaye.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

1 Atesalonika 4:7

Mulluku khaaniithanne wi neereke ddooraruwa koma ddaweella.

Luka 1:75

koma mwaweella murima ni mwa echilungamo vamiitthoni vaye mallapo mattheene ookumaahu.”

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Yobu 25:5

Ngoonani, vamiitthoni va Mulluku, naari mweeri khonooneya owala wiwa, etheneeri kheddinanyezimella.

Yobu 15:15

Vawi Mulluku khanaaroromella naari oorumeyellaaye, naari oddullu khoneella vamiitthoni vaye.

2 Samuele 22:24

Ngaari ni mullatu vamiitthoni vaye kaanaarapa machimo mu okumaaka.

2 Akorinto 4:14

Ninnadduwella wi Mulluku, oyo aavenyihalle Apwiya Yesu, aneeronivenyihattho hiyaano wonanko mmo eerilleeye ni Yesu nave ni onikusellattho vamiitthoni vaye vamodda ni nyuwaano.

2 Akorinto 5:18

Ddittheddenenndda ddineeriwa ni Mulluku, oyo oweella mwa Khrisitu aanattaniha ni yeekhaaye. Nave aanivaha mutteko woowaattaniha athu amodda ni olliyooyo.

Akolose 1:28

Sika ninnallalleya dda Khrisitu wa arive muthu. Ninnachenjeza ni ohuddiha ni ezeru ddittheddene wi niweena arive muthu vamiitthoni va Mulluku ari oowaraalla mu eyaattano ni Khrisitu.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.