Akolose 1:21 - Mawu a Mulluku

²¹ Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

Akolose 1:21 ပူးပေါင်းရင်းမြစ်များ

Aefeso 2:12

Va enthawi yeeyo khamwaarina Khrisitu. Mwaari alleto nave khamwaari mmodda a athu ootthoolliwa a Mulluku. Nyuwaano khamwaapwesereriwemo mu echipangano eyo yaalonjeziwe ni Mulluku wa athwaaye. Nave mwaakhalla mu ellapo yavattheella muhinna otiyera navettho muhinna Mulluku.

Aefeso 4:18

Ezeru ddiwa ddooripihiwa nave kheyaakhellana okumi oyo Mulluku anavaheeye vawi alliwaayo tti oohidduwella navettho tti awummiha murima.

Aefeso 2:19

Sika vano nyuwaano athu ayo ehiri Ayuda khamuhiyottho alleto apaalle athu oovenyera waamodda wene. Nyuwaano tti amodda ni athu a Mulluku navettho nyuwaano tti a nibanja na Mulluku.

Aroma 1:30

Ennaallotella akhwiiwa ddoonanara, ennamwiita Mulluku, ollotellana epewe, ennakota ni wiitukhulla. Enaganizera ettilla ddinchichi ddaweerella ddoonanara, khenawiiwellella makhollwiiwa,

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

2 Samuele 22:24

Ngaari ni mullatu vamiitthoni vaye kaanaarapa machimo mu okumaaka.

Aefeso 2:15

Aheeriha malamulo mattheene a Mose wi ehikhalle ni mutteko ni wi aphatuse mulloko mmodda wanaanweene ovenyera m'millokoni miillinndde mu eyaattano ni olliyooyo wi vikhalle murendelle.

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’