Akolose 1:20 - Mawu a Mulluku

²⁰ Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Akolose 1:20 ပူးပေါင်းရင်းမြစ်များ

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

Afilipi 2:10

Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Levitiko 6:30

Koma ahiche enama ya mukutho woopepesella machimo oyo nikhame niwa enawaaniiwa m'musasani wamutthukumano wi ekhululukelliwe machimo. Enameeyo ahiyiche koma ayishellellihe.”

Mika 5:5

Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

Numeri 7:65

Nave ddoovelleella mukutho wa eyaattano ddaari eng'ombe piilli anankhoro a enkhosa dditthanu anankhoro a epuri dditthanu ni anamwani a anankhoro a enkhosa atthanu a muyakha mmodda. Ddenndda sika ddaari ddoovelleella dda Abidani mwaana a Gideoni.

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Akolose 1:16

Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.