Akolose 1:2 - Mawu a Mulluku

² Ninaalembella athu a Mulluku a o Kolose, asinnihu ni arokorihu oororomelleya mu eyaattano ni Khrisitu. Echisomo ni murendelle ddoovenyera wa Mulluku Attiitthiihu ddikhalle ni nyuwaano.

Akolose 1:2 ပူးပေါင်းရင်းမြစ်များ

2 Petro 1:2

Echisomo ni murendelle ddaanjerereye wa nyuwaano oweella mu omudduwella wanyu Mulluku ni Yesu Apwiihu.

Aefeso 1:1

Ovenyera wa miyaano Paulo, murummwa a Khrisitu Yesu mu opaalla wa Mulluku. Kinalembella wa athu a Mulluku o Efeso ookhulupilila ni ayo eri mu eyaattano ni Yesu Khrisitu.

Aroma 1:7

Nave vano kinalembella wa nyuwaano attheene mu Roma, ayo Mulluku anaakondeeye nave aawiithana wi ekhalle athwaaye. Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.

Agalatiya 1:3

Echisomo ni murendelle dda Mulluku Attiitthiihu ni Apwiya Yesu Khrisitu ddikhalle ni nyuwaano.

Aefeso 6:21

Tikiko mwanamunnihu ookondiwa ni oorumeyella oororomelleya m'muttekoni wa Apwiya, aneerewuulleellani ddittheddene dda miyaano wi mudduwelle eyo kineereemi.

Masalimo 16:3

Naaka dda athu aweella murima, ayo eri vatthimva tti ooriiheya! Alliwaayo ennakihakallalliha.

Yuda 1:2

Echifundo, murendelle ni echikondi ddawaata, ddoovenyera wa Mulluku ddikhalle ni nyuwaano.

Agalatiya 3:9

Abrahamu aakhulupilila nave aadalisiwa; sika ookhulupilila attheene ennadalisiwa vamodda ni olliye.

1 Akorinto 4:17

Sika ekaambiiwa kinamurumiheemi Timoteo wa nyuwaano, oyo ari mwanaka ookondiwa ni oororomelleya mu eyaattano ni Apwiya. Aneerowuupusani ettilla kinathwareemi mwa Khrisitu Yesu. Nndda sika kinahuddiheemi virive veko mu mipingo ddittheddene.

Mitteko 9:13

Ananiya ahaakhulla wi, “Apwiya, athu anchichi aakilleella dda muthu yoolla navettho wi oheera ddoonanara wa athwaanyu a o Yerusalemu.

Afilipi 1:1

Ovenyera wa hiyaano Paulo ni Timoteo, oorumeyella a Khrisitu Yesu. Ninaalembella athu attheene a Mulluku a o Filipi ayo eri mu eyaattano ni Khrisitu Yesu, vamodda ni oohoollella ni owaakaviheriiwa mumpingoni.