Akolose 1:19 - Mawu a Mulluku

¹⁹ Vawi Mulluku aaganiza wi oonihe makhallellwaaye mattheene mwa Mwaanooyo.

Akolose 1:19 ပူးပေါင်းရင်းမြစ်များ

Akolose 2:9

Vawi makhallello mattheene a Mulluku enakhalla mwa mwiilli wa Khrisitu,

Yohane 1:16

Ovenyera mu oddalla wa echisomwaaye olliye oonidalisa hiyaano attheene nave oonivaha echisomo moowaata.

Aefeso 1:23

Mpingo tti mwiilli wa Khrisitu, wooddalliwa ni olliye oyo anakwakhwaniha ddeko ddittheddene mwa arive muthu.

Akolose 2:3

Olliye tti yoohullella ya eyuuma yoovittheya ya ezeru ni odduwella wa Mulluku.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Aefeso 1:3

Hankoni nimuthokoze Mulluku, Attiitthiiwa a Apwiihu Yesu Khrisitu! Vawi mu eyaattanweehu ni Khrisitu oonidalisa voonivahani ovenyera oddullu erive madaliso a Munepa.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Aefeso 4:10

Sika oyo aakitthalle tti mmoddave yooyottho aawenlle vaddullu okhwaranya eddullu wi addalle erimu ettheene.

Luka 10:21

Yesu addalliwe ni Ehakallallo ya Munepa Waweella, enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera. Ee, Attiitthaaka, nndda ddeereye kaambiiwa ddahuuhakallallihani.

Aefeso 1:5

Mulluku aari aganizalle khalle wi oweella mwa Yesu Khrisitu aneere hiyaano nikhalle anaaye. Ella sika yaari yoopaallaaye yaphaama.

1 Akorinto 1:21

Vawi Mulluku mu ezeru ddaye aheeriha wi athu ehimudduwelle olliye voopharihani mutteko ezeru ddiwa. Koma Mulluku aapaalla waavullusa athu ookhulupilila mwa othenga wookarangeya ninallalleyeehu.