Akolose 1:17 - Mawu a Mulluku

¹⁷ Khrisitu aakhallawo ddeko ddittheddene ddihinakhallewo nave ddeko ddittheddene ddoomakellelliwa vamodda mu eyaattano ni olliyooyo.

Akolose 1:17 ပူးပေါင်းရင်းမြစ်များ

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Mitteko 17:28

Muthu mmodda aallota wi, ‘Mwa olliye ninnakhalla ni okumi ni weeta nave ninnakhallawo.’ Ollikana ni ollota wa owiipaanyu machipo amodda wi, ‘Hiyaanottho sika anaaye.’

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Masalimo 75:3

Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Aheberi 13:8

Yesu Khrisitu tti yooyo oddillo, ollello ni mallapo mattheene.

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

1 Samuele 2:8

Ennaavenyiha athu oohoowa vaddallani, yaakeraatthiha vamodda ni mamwene, ewinnya mpando woolemu. Matthipellello mattheene a ellapo yavatthi tti a Apwiya, yaakeraatthiha ellapo yavatthi va matthipellellwaayo.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”