Vano aavollowa omodda o nipuro noopatuleya na oddullu anoopolla omachimoni wa enthawi yoohimalla. Enre yeella vooheraatthini mukutho wa nikhame naayenaaye woohikhalla na epuri apaalle na eng'ombe.
ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.
Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.
Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.
Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.
Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.
Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.
Onaphwanella wi oweerihe wi yooneke wi erukunuwe ovenyera wiipiphini ephiye mu owala navettho ovenyera mu masiva a Satana ophiyera mu masiva a Mulluku. Sika mwa echikhulupililwiiwa eneerokhululukelliwa machimo ni waakhella nipuro niwa variyari va athu a Mulluku.’
Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.