Aheberi 9:9 - Mawu a Mulluku

⁹ Ella sika echisanzo ya enthawi ya muttano eyo enattaphullella wi mukutho wa enama wooheraatthiwa wa Mulluku, khonawora omurukunusa muthu ooheraatthooyo okhalla ni murima waphaama.

Aheberi 9:9 ပူးပေါင်းရင်းမြစ်များ

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

Aheberi 5:1

Arive mullupa mukutho muullupalli anatthoolliwa ni athu akhwaaye wi awiimellelle voomurumeyellani Mulluku. Muttekwaaye sika oheraatthi mukutho ni emphaso ekaamba ya machimo a athu.

Aroma 5:14

Koma ovenyera va enthawi ya Adamu ophiyera va enthawi ya Mose, okhwa waalamulella va athu attheene naari va ayo yachimwalle moohiyana ni Adamu ahiiwellelleeye olamula wa Mulluku. Adamu anaphwanaphwanihiwa ni oyo Mulluku allotilleeye wi aneeroowa, Khrisitu.

Aheberi 11:19

Sika Abrahamu aakhulupilila wi Mulluku ttuuwora omuvenyiha Isaki wa ookhwa. Vano aamwaakhellattho wonanko oovenyihiwa wa ookhwa.

Aheberi 10:11

Allupa mukutho enaphara muttekwiiwa nllapo ni nllapo oheraatthi mukutho mmoddamoddave oyo ohinawora ohuwa machimo.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Aheberi 7:11

Naari malamulo a Mose ellotaka wi allupa mukutho ekhalleke edduullu dda Levi, allupa mukuthwaalla kheyaawora oweelliha athu. Vano vaapaalleya wi viwe mullupa mukutho wonanko Melkizedeki, oyo ahiri edduullu ya Aroni.

Agalatiya 3:21

Ethiyo malamulo ennavaanyana ni malonjezano a Mulluku? Kheneera ddiiddo! Vawi vakhanlleke lamulo noovaha okumi sika arive muthu aaweerekokhalla oolungama vawiiwellellani lamulonno.

Aheberi 8:4

Akhanlleke va ellapo yavatthi, khaakhalle mullupa mukutho vawi ellapo yavattheella yookhalla ni allupa mukutho ayo enaheraatthi mikutho moollikana ni malamulo a Mose.