Aheberi 9:8 - Mawu a Mulluku

⁸ Munepa Waweella annahuddiha mwawiiweya phaama dda ddeko ddittheddenenndda wi ettilla yoovollowella mu nipuro naweellesesa khenahulliweve waarimi musasa wakhallooyo orivove.

Aheberi 9:8 ပူးပေါင်းရင်းမြစ်များ

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Aheberi 3:7

Sika vano Munepa Waweella anallota wi, “Mwiiwa mawu a Mulluku ollello,

Aefeso 2:18

Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.

Aheberi 9:3

Otulli wa ekatani waakhalla echipinda yooromolliwa wi nipuro naweellesesa.

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Yohane 10:9

Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu.

Mitteko 28:25

Sika vaakhalla ohiiwanana variyari va mullokooyo nave yaavenyavo, Paulooyo allotilleeye ello emodda yawi, “Munepa Waweella aallota phaama wa makhollwaanyu oweella mwa namallotella Yesaya!

Yohane 10:7

Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa.

Yesaya 63:11

Vano athu yahuupuwella dda enthawi yakhalle, mallapo a Mose oorumeyellaaye nave yaakoha wi, “Ethiyo eri wuuwi Apwiya ayo yaavullusalle athwiiwa ni oohoollella a mullokwiiwa va enyanja? Ethiyo eri wuuwi Apwiya ayo yahiyalle mwa athwiiwa munepiiwa waweella?

Aheberi 10:15

Munepa Waweella annavelleella omboni voollotani wi,

Luka 1:80

Mwaanooyo ahunnuwa m'mwiillini ni m'munepani nave aakhalla ochipululuni ophiyera mallapo addoonihelleeye wa Aisraele.