Aheberi 9:7 - Mawu a Mulluku

⁷ Koma mullupa mukutho muullupallive sika avollowa muwari mwa musasa nave eera ddenndda omoddave vamuyakhani. Aanakusa nikhame nno aheraatthiiye wa Mulluku ekaamba ya machimwaaye ni ekaamba ya machimo a athu yeeriiwa moohidduwella.

Aheberi 9:7 ပူးပေါင်းရင်းမြစ်များ

Levitiko 16:34

Nenno nikhalle lamulo nanyu na enthawi yoohimalla wi mweereke mutetho woopepesella machimo mattheene a Aisraele omodda vamuyakhani.” Vano Mose aheera moollikana ni mmo Apwiya yamulamulalliiwa.

Levitiko 5:18

Aweena wa mullupa mukutho nankhoro a enkhosa yoohirakalla nave mutengwiiwa okhalle wookwakhwana mutengo wookeraattheya wa enama ya mukutho woolliva. Mwawi ddiidda mullupa mukuthooyo aheraatthi mukutho woolliva ekaamba ya nichimo na muthooyo nave oneerokhululukelliwa.

Aheberi 7:27

Khanaphwanaphwana ni allupa mukutho uullupalli akhallaalla vawi khanapaallattho wi aheraatthiki mukutho nllapo ni nllapo wa machimwaaye vawaamba nave wa machimo a athu. Aaheraatthi mukutho omodda nave yooyo waari wa mallapo mattheene iiheraatthilleeye mwaneenaaye.

Eksodo 30:10

Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Yesaya 9:16

Vawi ayo enaahoollella athwaalla sika enaahollosa nave oohoollelliwaayo ennarimeella.

Yesaya 3:12

Athwaakanyu, asombwe sika enuuhoosani nave atthiyana sika enuulamulellani. Ha, athwaakanyu, enuuhollosani tti oohoollellaanyu nave enuuvirikanihellani ettilla ddanyu.

Aheberi 10:3

Koma nndda ddinawuupusa machimwiiwa orive muyakha.

Amosi 2:14

Oothamaka khawora othawa, amasiva khakhallattho ni masiva naari akhoto khewora wiivullusa.

Yesaya 29:14

Sika kineerovirellella oweerella ddoottikhiniha athu yaayo. Ezeru dda athwiiwa eezeru ddineeromalla nave ochenjera wa athwiiwa oochenjera oneerewiipittha.”

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

Masalimo 19:12

Ttaani anaadduwelle ddoolakwa ddaka? Nyu Apwiya, muhuwe ddoochimwa ddaka ddawiipittheya.

2 Epilli 33:9

Nave Manase ahaahollosa Ayuda ni athu a mu Yerusalemu mwawi yaheera ddoonanara ddinchichi waakhwaranya athu a mitundu ddimodda ayo Apwiya yawiikarihalliiwa Aisraele ehinaphiye.

2 Samuele 6:7

Enthawi yeeyo Apwiya yaamushella murima Uza nave yaamwiipha kaambiiwa khaaganizalle phaama voopharani nibokosinne. Sika akhwenlle vaavo vamiitthoni va Apwiya.

Numeri 15:25

Mullupa mukutho eere mutetho woopepesella machimo a Aisraele attheene nave athwaayo eneerokhululukelliwa ekaamba yawi yachimwalle moohidduwella nave wi yaawa wa Apwiya ni ddoovelleella ddiwa dda mukutho wawoosiwa viikho navettho mukutho woopepesella machimo wi yaapepeselle machimwiiwa.

Aefeso 4:18

Ezeru ddiwa ddooripihiwa nave kheyaakhellana okumi oyo Mulluku anavaheeye vawi alliwaayo tti oohidduwella navettho tti awummiha murima.

Aheberi 6:19

Nookhalla ni etiyerello yeella wonanko nangula* ookumaahu eyo eri yookeraattheya ni yoollipa nave ennavollowa ohiyana ni ekatani ya mu enyumba ya Mulluku yooddullu yaphiya muwari mwa nipuro naweella.

Aheberi 9:3

Otulli wa ekatani waakhalla echipinda yooromolliwa wi nipuro naweellesesa.