Aheberi 9:4 - Mawu a Mulluku

⁴ Mwemmo mwaakhalla nikuwa nagolide vooheraatthella mukutho wa lubani* nave ni nibokosi na echipangano nittheene noomariwa ni golide. Nave muwari mwa nibokosinno mwaakhalla kapu a golide oyo mwahelliwe mana, ekopo ya Aroni yaphuwalle makukhweelle yaari mwemmottho navettho malluku meelli valle valembiwe malamulo a Mulluku.

Aheberi 9:4 ပူးပေါင်းရင်းမြစ်များ

Numeri 17:10

Apwiya yaamulleella Mose wi, “Khawe wahokolloselle ekopo ya Aroni vahoollo va nibokosi na echipangano. Oisunge wi ekhalle echizindikiro wa athu oowukila wi ehiye okhupanya nave wi ehikhwe.”

2 Epilli 5:10

Mu nibokosimmo khamwaari ello koma mallukuve meelli ayo Mose aahiyalleeyemo o Horebu nko Apwiya yakeraatthihalliiwa ni Aisraele attheene yakhumiiwa o Iguputo.

Levitiko 16:12

Eeddiiddo akuse yoothuwihella mwiisi yooddalla ni mankhalla amunllo oovenyera vanikuwani na Apwiya, avahulle matta meelli a lubani* oosillasilla nave avollowena ntthella na ekatani.

Eksodo 40:3

Mu nibokosi na echipangano onihiye mwemmo nave onikhuneelle ni ekatani yootchinga.

Eksodo 26:33

Atthomeye ekatani vatthi va engowi ddoollundellellana ekuwo piilli nave ahiye nibokosi na echipanganonno muwari, ntthella na ekuwo. Ekataneeyo eneerohiyaniha nipuro naweella ni nipuro naweellesesa.

Numeri 17:5

Ekopo ya muthu oyo kinaamutthoolleemi eneerophuwa. Sika kineeromalliha okhupanya wa Aisraele nko eneeriiwa moovaanyihana ni weyaano.”

Eksodo 34:29

Mose akitthalleeye ovenyera o mwaango wa Sinai akusalle malluku meelli a echipangano, khaadduwellille wi ekhovaaye yaawala kaambiiwa aallota ni Apwiya.

Yawuupullulla 8:3

Mungelo mmodda ookhalla ni embale ya golide aawa iimella va nikuwa na mukutho. Aavahiwa lubani munchichi wi aanjerere vamodda ni mavekello a athu a Mulluku ni wi aheraatthi va nikuwa nagolide nno niimenlle vamiitthoni va mpando woomwene.

1 Mamwene 8:21

Nave kookhoza nipuro noohiyavo nibokosi na echipangano mmo muri mabukhu a mawu a echipangano eyo Apwiya yakeraatthihalliiwa ni makhollwaahu vawaakhumihani o Iguputo.”

1 Mamwene 8:9

Mu nibokosimmo khamwaari ello koma mallukuve meelli ayo Mose aahiyalleeyemo o Horebu nko Apwiya yakeraatthihalliiwa ni Aisraele attheene yakhumiiwa o Iguputo.

1 Mamwene 7:50

Ddoothiimihella enyali, mabeseni, embale ddawoosellamo lubani* navettho eziwaya ddoovallella munllo ddaari ddagolide aphaama. Nave aapangiha ddoomakella machiwi a enyumba ya Apwiya, machiwi a muwari oovollowella o nipuro naweellesesa ni machiwi oovollowella o enyumba ya Apwiya, ddittheddenennddo ddaari ddoohuruwelliwa ni golide.

Numeri 17:8

Osaka wene Mose avolloweeye musasa wa mutthukumano, ahoona ekopo ya Aroni, a nlloko na Levi ephuwalle makukhu, ettaphullalle malluwa navettho yimmalle ezipaso ddawiithwa dda manangwa.

Eksodo 39:35

nibokosi na echipangano ni ekopo ddiwa navettho yookhuneellaniiwa.

Eksodo 31:18

Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.

Eksodo 32:15

Mose aahokollowa akittha ovenyera omwaangoni, akusalle malluku meelli a echipangano oolembiwa embali piilli ddittheddene.

Eksodo 37:25

Aamaka nikuwa nawoosellavo lubani nave naari na matabwa akesha. Orekama wiwa masentimita 46 nave okhuveya wiwa masentimita 46 navettho masentimita 91 oya muddullu. Manyakiiwa yapangiwe ni ntabwa nimoddave.

Deuteronomo 9:9

Miyaano kaawella mwaango wi kaakhelle malluku meelli mvo valembiwe echipangano eyo Apwiya yakeraatthihalliiwa ni nyuwaano. Kaakhalla omwaangoni wulle mallapo 40, otthaana ni mahiiyu nave ngaachille apaalle owirya erive ello.

Deuteronomo 9:11

Ddawoona, vimanlle mallapo 40 Apwiya yaakinnya malluku meellaalle mvo yalembilliiwa echipangano.”

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.