Aheberi 7:8 - Mawu a Mulluku

⁸ Ollota dda allupa mukutho ayo enaakhella yaneekhumeeyo, alliwaalla tti athu awi ennakhwa. Koma ollota dda Melkizedeki mawu a Mulluku eni yaneekhumeeyo yahaakhelliwa ni muthu oohikhwa.

Aheberi 7:8 ပူးပေါင်းရင်းမြစ်များ

Aheberi 6:20

Yesu aahoolla avollowamo ekaamba ya hiyaano navettho olliyooyo sika ari mullupa mukutho muullupalli wa enthawi yoohimalla wonanko Melkizedeki.*

Aheberi 5:6

Vamodda vene aallotattho wi, Apwiya aallupella khesintha maganizwiiwa awi, “We tti mullupa mukutho wa enthawi yoohimalla, omullupa mukuthweene wonanko wa Melkizedeki.”*

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Aheberi 7:23

Vookhallattho ohiyana omodda vawi allupa mukutho akhallaalle yaari anchichi kaambiiwa yaanakhwa sika kheyaawora ovirellella ni muttekwiiwa.

Yohane 14:19

Yoohalla enthawi yooyeva nave athu a va ellapo yavatthi khewa ekoonattho miyaano koma nyuwaano muneerokoona miyaano kaambiiwa miyaano tti mukumi wa enthawi yoohimalla muneerokhalla akumi wa enthawi yoohimalla.

Aheberi 3:16

Ttaani athu ayo yiiwalle mawu a Mulluku koma emuwukila olliye? Attheene ayo yakhumalle o Iguputo ehoollelliwe ni Mose.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Aheberi 9:27

Arive muthu anakhwa omodda nave vatulli viwa aneeruziwa.

Aheberi 7:7

Kheyiivo yoottikhiniha wi muthu oyo anadalisa sika ari muullupalli omukhwaranya oyo anadalisiwa.

Aheberi 7:9

Nave ninaakhulle ollota wi, Abrahamu avellelleeye yaneekhumi, Levi, (oyo edduullu ddaye ddaakhella yaneekhumeeyo) nayeenettho aavelleella wa Melkizedeki.