Aheberi 7:2 - Mawu a Mulluku

² Nave Abrahamu aavelleella wa Melkizedekooyo yaneekhumi ya ddeko ddittheddene aakhilleeye okhotoninko (Ottaphullella wawaamba wa nnddina na Melkizedekinna tti wawi, “Mwene Oolungama” nave kaambiiwa aari mwene a o Salemu, nnddina nayenna ninattaphullellattho wi, “Mwene amurendelle”.)

Aheberi 7:2 ပူးပေါင်းရင်းမြစ်များ

Numeri 18:21

“Kohaavaha Alevi erive yaneekhumi wi ekhalle yoohallaniiwa va nnddo Aisraele enavelleelliiwa wa miyaano ekaamba ya mutteko enawuphariiwa mu musasa wamutthukumano.

Masalimo 72:7

Va mallapwaaye echilungamo eneerewunnuwa, murendelle oneerewaata ophiyera mweeri ohiyalle owala.

1 Epilli 22:9

Kaapelle maaru, oneeromuyara mwaana aamullopwana. Anaakhalle muthu amurendelle. Kineeroweeriha adanaaye attheene oomwaapheella wi ehiwanekena. Nnddina naye ninaakhalle Solomoni nave kineeromuvaha Israele murendelle ni omaalleya mu olamulellwaaye ottheene.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

1 Samuele 8:17

Aneerowaakhani yaneekhumi ya eziweto ddanyu nave nyuwaano munaakhalle akaporwaaye.

1 Samuele 8:15

Aneerowaakhani ddaneekhumi dda tirigwaanyu ni dda mpesaanyu ni owinnya akapitawaaye ni enduna ddaye.

Genesis 28:22

Nlluku na yawuupuwelliha kiimesilleeminna ninaakhalle enyumbaanyu nave miyaano kineerowinnyani yaneekhumi ya ddittheddene munaakivaheenyu.”

Luka 2:14

“Ntitimiho nikhalle wa Mulluku Muullupalli, nave murendelle okhalle va athu ayo anahakallalleeyena vatthimva!”

Mika 5:5

Olliye sika anaakeraatthihe murendelle. Aasiriya eneerovollowa mwiillaponi mwahu ni waamba onihella ekhoto. Vano hiyaano nineerewaarumiha oolamulella atthanu ni eelli apaalle enduna tthanu ni raru.

Levitiko 27:32

Nave erive echigawo yaneekhumi ya eziweto eyo mbusa anaayeerengeeye, ekhalle yoopatuleyella wa Apwiya.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Aheberi 7:1

Melkizedeki aari mwene a o Salemu navettho mullupa mukutho oomurumeyella Mulluku Muullupalli. Abrahamu aweeye ovenyera okhotoni nko aagonjihalleeye mamwene masese, aakumana ni Melkizedeki* nave Melkizedekooyo aamudalisa.

Aheberi 7:3

Ollota dda attiitthinnya apaalle amennya apaalle ntthopoollo na makhollo a Melkizedekooyo kheyiivo mvo elembiweewavo naarittho dda oyariwa waye ni okhwa waye. Ari wonanko Mwaana a Mulluku, mullupa mukutho oovirellella wa enthawi yoohimalla.