Aheberi 7:18 - Mawu a Mulluku

¹⁸ Vano lamulo nakhallenne noohiyiwa kaambiiwa naari noohikhalla ni masiva nave khanaarina mutteko.

Aheberi 7:18 ပူးပေါင်းရင်းမြစ်များ

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Mitteko 13:39

Koma oweella mwa Yesu arive muthu oyo anakhulupilila aneerottaphulliwa.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

Agalatiya 4:9

Nave vawi munnamudduwella Mulluku apaalle killote wi vawi Mulluku annuudduwellani kaambiiwa tini munahokollweelleenyu wa minepa ddoolamulella, ddoofooka ni ddoohikhalla ni mutteko? Kaambiiwa tini munapaalleenyu okhalla akaporo wiillittho?

1 Timoteo 4:8

Waddollweella weera mattheella oollipiha mwiilli wookhalla ni oreera wa vang'ono koma waddollweella weera ddoomutitimiha Mulluku wookhalla ni oreera mu ddittheddene kaambiiwa onnalonjeza okumi wa ollello ni wa muhoollo.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

Agalatiya 3:17

Eyo kinaakeemi tti yawi Mulluku aheera echipangano ni Abrahamu. Malamulo ayo yavahiwe ddiviralle miyakha 430, kheyeeriha wi echipanganweeyo etathille apaalle woononga lonjezo na Mulluku.

Agalatiya 4:21

Kinapaalla kuukoheni nyuwaano munapaalla olamuliwa ni malamulo, ethiyo khamuniiwa enallota malamulo?

Agalatiya 3:15

Asinnaka ni arokoraka, kinaaka kiphwanaphwanihe ni nnddo ddineereya nllapo ni nllapo. Athu eelli yapangana va ello emoddeene nave yasimikizellana voolembani echipanganweeyo, khaavo muthu anaatathille echipanganweeyo apaalle woonjereravo ello emoddeene.

Aroma 3:31

Ethiyo malamulo khenna mutteko ekaamba ya echikhulupililo? Khe ddiiddo! Koma ninnasimikiza malamulwaayo.

Agalatiya 3:21

Ethiyo malamulo ennavaanyana ni malonjezano a Mulluku? Kheneera ddiiddo! Vawi vakhanlleke lamulo noovaha okumi sika arive muthu aaweerekokhalla oolungama vawiiwellellani lamulonno.