Aheberi 6:9 - Mawu a Mulluku

⁹ Naari ninalloteehu mwawi ddiidda, akhwaaka ookondiwaanyu, ninnasimikiza dda nyuwaano wi moodalisiwa phaama vawi muneerovulluwa.

Aheberi 6:9 ပူးပေါင်းရင်းမြစ်များ

Aheberi 10:39

Koma hiyaano khanihiyoni athu ayo enahokollweella mutulli ni woonongeya koma niri athu ookhulupilila wi nivulluwe.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

2 Akorinto 7:10

Vawi ovoriiwa murima woovenyera wa Mulluku onnarukunusa murima wi ovullusiwe nave khaavo muthu anaakhalle ni ethakaraka ni ovoriiwa murima wenko. Koma ovoriiwa murima woovenyera wa athu onnawaana okhwa.

Aheberi 10:34

Vawi mwahaamorella ethakaraka ayo yaari mundende nave mwahaakhullella moohakallalla wi ewaakheni eyuumaanyu kaambiiwa munnadduwella wi mookhalla ni eyuuma yawaata ni yoohimalla.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

1 Akorinto 10:14

Sika vano, akhwaaka ookondiwa, murapelleke mafano.

Mitteko 20:21

Wa Ayuda ni athu ayo ehiri Ayuda kahaachenjeza wi erukunuwe murima ewe wa Mulluku nave ekhulupilile mwa Apwiihu Yesu.

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Mitteko 11:18

Yiiwalliiwa yeella, yaahiya omuhumullulla wulle nave yaamutitimiha Mulluku, ellota wi, “Vano Mulluku ohaavaha athu ayo ehiri Ayuda ekari yawi ehiye machimo nave ekhalle ni okumi woohimalla!”

2 Akorinto 7:1

Akhwaaka ookondiwa, ddoolonjeza ddittheddenenndda ddaheeriwa wa hiyaano. Sika vano hankoni neellihe nnddo ddinaripiha mwiillaahu ni munepaahu nave hankonittho nikhalle aweella mu ddittheddene voomoovani Mulluku.

2 Akorinto 12:19

Apaalle munaganiza wi enthawi ettheene ninakhallella wiiteteza weekhiihu vamiitthoni vanyu. Khe ddiiddo! Koma ninallota mu eyaattano ni Khrisitu vamiitthoni va Mulluku. Nave akhwiihu ookondiwa, erive ello ninallota wi nuullipiheni.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

2 Petro 3:1

Akhwaaka ookondiwa olla vano sika kalata aneepiilli oyo kuulembelleemini. Mu makalata meelli mattheenaalla kaheeseesa ollipiha maganizwaanyu voowuupusani dda ddeko ddenndda.

1 Yohane 2:7

Akhwaaka ookondiwa, lamulonna kinuulembelleemini tti nakhalle. Lamulo nakhallenna muriinyuna ovenyera vawaamba tti othenga mwiiwalleenyu.

Yuda 1:3

Akhwaaka ookondiwa, kaapaallesesa wuulembellani dda ovullusiwa nko attheene nirinaahu mwa Yesu Khrisitu. Koma kahoona wi tti waphaama wuulembellani vano wi kuuvekeni wi mullipanena oteteza echikhulupililo eyo Mulluku aavahilleeye athwaaye aweella omoddave wenko.