Aheberi 6:5 - Mawu a Mulluku

⁵ yaallawiha wi mawu a Mulluku tti aphaama navettho yahoona masiva a enthawi yamuhoollo.

Aheberi 6:5 ပူးပေါင်းရင်းမြစ်များ

Luka 8:13

Mmiddo oyo wamorenlle va ethaya ya vamallukuni tti athu ayo enaakhella moohakallalla mawu a Mulluku koma khenna misisi dduullupalli. Vawi enakhulupilila enthawi yooyeva koma va enthawi ya weesiwa, ennahiya enthawi yeeyo.

1 Petro 2:3

Mawu a Mulluku eni, “Esani nave muneerewoona wi Apwiya tti aphaama.”

2 Petro 2:20

Athu ayo yathawille khalle ddeko ddoonanara dda va ellapo yavattheella oweella mu waadduwella wiwa Apwiya ni Oovullusaahu Yesu Khrisitu, vano yaphariwattho nave enalamulelliwa ni ddeko ddoonanaranndda, ennakhalla oonanaresesa ohiyana ni vawaamba.

Aheberi 2:5

Mulluku khaavahille angelo olamulello va ellapo enaweeyo, dda eyo ninalloteehu.

Mariko 6:20

Vawi Herode nayeene aanamoova Yohane nave aamusunga wi ahiiphiwe kaambiiwa aanadduwella wi Yohane tti muthu oolungama ni aweella murima. Herode aamwiiwellellaka Yohane allotaka, aanahalleelliwa wuullupalli komattho enthawi yeeyo aanahakallalla.

Masalimo 34:8

Llawihani moone, Apwiya tti aphaama, oodala tti muthu oothawella wa Apwiya.

Mateyu 12:32

Nave oyo anakillotella epewe mi, Mwaana a Muthu, aneerokhululukelliwa koma oyo anallotella epewe Munepa Waweella khakhululukelliwa enthawi yeella naari muhoollo.

Aefeso 6:17

Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

Aheberi 4:12

Mawu a Mulluku tti ookumi ni amasiva, awiisha ohiyana ni nsupada noowiisha nngu ni nngu. Ennaphadda mutthemwene ophiyera munakumanella murima ni munepa naarittho munallundellellana makuttha ni makhura a m'makhuvani. Enneeruza nnddo athu enapaalliiwa ni oganiza m'murimani mwiwa.

Aheberi 11:3

Ekaamba yawi nookhalla ni echikhulupililo, ninniwesesa wi ddeko ddittheddene dda va ellapo yavattheella ddaphatusiwe ni mawu a Mulluku, sika wi ddeko ninooneehu ddaphatusiwe ovenyera o ddeko ddoohooneya.

1 Petro 1:25

koma mawu a Apwiya tti oohimalla.” Mawu yaalla tti othenga waphaama oyo waallalleyiwe wa nyuwaano.