Aheberi 6:4 - Mawu a Mulluku

⁴ Ethiyo vano enaaweereyelle tti tini ayo enahiya echikhulupililwiiwa? Vawaamba yahaakhella owala wa Mulluku, yaallawiha emphaso ddooddullu nave yahaakhellana Munepa Waweella,

Aheberi 6:4 ပူးပေါင်းရင်းမြစ်များ

Mateyu 5:13

“Nyu muri wonanko mwiinyu wa athu attheene a va ellapo yavatthi. Koma mwiinyu watthulluwa khoweerihiwattho wi oddiveke. Khonnattho mutteko, sika onnatathilliwa nave athu ennawuunyingalla.

Yohane 15:6

Muthu aahikhalla mwa miyaano annavokhiwa vaatte wonanko enthambi yawumma. Nave enthambi ddennddo ddinnatthukumanihiwa ddivokhelliwa vamunlloni ddisha.

Aefeso 2:8

Vawi mwaavullusiwa ekaamba ya echisomo oweella mu echikhulupililo. Khehiyo ekaamba ya ollipihella wanyu koma tti emphaso ya Mulluku.

Yohane 3:27

Yohane ahaakhulla wi, “Khaavo muthu anawora okhalla ni ello aahivahiwa ni Mulluku.

Aheberi 10:32

Koma upuwellani ddaweereyelleninndde, enthawi elle mwaakhenlleenyu owala wa Mulluku, mwaavillella voowanani ekhoto moollipana ni ddoohoosa ddittheddene.

Mateyu 12:45

Vano onnakhuma oya wakusa minepa ddimodda mitthanu ni miilli ddoonanara ohiyana ni olliyooyo nave ddinnawa ddivollowa ddinakhalla mwemmo. Vano muthooyo makhallellwaaye voomallihella ennakhalla oonanara ohiyana ni vawaamba valle! Nndda sika ddineereye wa athu oonanara amuttano.”

Agalatiya 3:2

Killeelleni ello emodda ella. Ethiyo mwahaakhella Munepa a Mulluku vawiiwellellani malamulo apaalle vookhulupililani othenga waphaama mwiiwalleenyooyo?

2 Timoteo 2:25

owaalangiza oovaanyihanana mwawiithaalla vawi apaalle Mulluku ttuuwaavaha ekari yawi erukunuwe murima wi edduwelle yawoona,

1 Yohane 5:16

Mwamoona mwanamunninyu apaalle murokorinyu eeraka machimo oohimukusella wookhwa, mumuvekelle wa Mulluku, sika wi amuvahe okumi. Alla tti yaayove machimwiiwa ehinaakusella wookhwa. Koma vookhalla machimo ookusella wookhwa nave nginallota wi mwavekelle wa Mulluku ekaamba ya yaayo.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

1 Timoteo 4:14

Ohivevulle emphaso eri mwa weyaano, eyo yavahiwe wa weyaano oweella mwa mawu oollotella va enthawi ya wiiyaatthi wa matta a attekweene va weyaano.

Mitteko 11:17

Mulluku ahaavaha athu ayo ehiri Ayudaalla emphaso yoophwanaphwana ni elle naakhenlleehu nikhulupililalle mwa Apwiya Yesu Khrisitu. Vano miyaano kaari aani wi kaaweromuhiiha Mulluku!”

Aefeso 4:7

Arive muthu a hiyaano ahaakhella emphaso yaayeyaaye moollikana ni mmo Khrisitu avelleelleeye.

Aefeso 3:7

Kaheeriwa oorumeyella othenga waphaama moollikana ni emphaso ya echisomo ya Mulluku, aakivahilleeye oweella mwa mutteko wa masivaaye mwa miyaano.

Mitteko 10:45

Ayuda ookhulupilila ayo yavenyenre o Yopa ni Petro yaattikhina wi Mulluku aavaha emphaswaaye ya Munepa Waweella naari va athu oohikhalla Ayuda.

Mitteko 8:20

Koma Petro aamwaakhulla wi, “We ni makobiraawaayo mukhwelle nimodda kaambiiwa waaganiza okulla emphaso ya Mulluku voovelleellani makobiri!

Yohane 6:32

Yesu aallota wi, “Ddawoona, kinimuulleellani wi, khe Mose uuvahilleni buledi oovenyera oddullu, Attiitthaaka sika enuuvahani buledi awoona oovenyera oddullu.

Numeri 24:3

Vano ahaamba ollotella wi, “Mawu a Balamu mwaana a Beori, mawu a oyo miitthwaaye tti oohulleya,

Agalatiya 3:5

Mulluku annuuvahani munepaaye ni weera ddoottikhiniha variyari vanyu. Ethiyo nndda ddinneereya kaambiiwa munniiwellella malamulo apaalle kaambiiwa munnakhulupilila othenga waphaama mwiiwalleenyooyo?

Mitteko 15:8

Nave Mulluku oyo anadduwella mirima dda athu attheene, tti mboni wi alliwattho tti oophwanella okhulupilila vawaavahani Munepa Waweella wonanko mmo anivahelleeye hiyaano.

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

2 Timoteo 4:14

Alekizandro oohana mikoko aakeerella ddoonanara ddinchichi, Apwiya eneeromullaka moollikana ni mitteko ddaye.

Aroma 1:11

Vawi kinnapaalla wunchichi wi kiwooneni wi nanyeenettho mukhallena emphaso dda Munepa Waweella, sika mwawi ddiidda echikhulupilwaanyu eneerollipa.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

Aefeso 1:18

Kinaveka wi miitthwaanyu ehulleye wi moone owala wi mudduwelle yootiyera eyo awiithanelleeyeni nave waata wa madaliso ootitimiheya ayo athwaaye enaawaakhelliiwa,

Levitiko 13:55

Nave mullupa mukutho ayiwehesese ellweeyo yachapiwa. Enguweeyo yaahisintha mooneyello naari ehimwareyelle virive veko, ellweeyo tti yooripihiwa. Mushellellihe moohipwatha wi enguweeyo eri otulli apaalle owiitthoni.”

Levitiko 14:43

“Enguwinnddo ddamellattho mpammo ekumullallemo khalle mallukwaalle nave eyiwakille navettho eyisiringalle,