Aheberi 6:2 - Mawu a Mulluku

² dda ehuddiho ya maubatizo, dda wiiyaatthi matta, dda ovenya wa ookhwa ni dda echiweruzo yoohimalla.

Aheberi 6:2 ပူးပေါင်းရင်းမြစ်များ

Mitteko 6:6

Mullokooyo wahaavelleella athwaayo wa amurummwa, ayo yaavekenlle navettho yaadalisalle vawiiyaatthini mattiiwa va miru ddiwa.

Mitteko 24:25

Nave Paulo aakambirana ni Felike dda echilungamo wiihiiha weekhaawo ni dda owa wa nllapo na echiweruzo. Felike ahoova nave allota wi, “Khawe vano, kineerowiithanattho kakhalla ni mpata.”

Mitteko 23:6

Paulo oonilleeye wi amodda a m'mullokonimmo yaari Asaduki* nave amoddattho yaari Afarisi,* aallota mookhuwa munthatoni mulle wi, “Ayuda akhwaakanyu! Mi tti Mufarisi, mwaana a Mufarisi. Kiniipiwa mullatu kaambiiwa kinnatiyera wi athu eneerovenya wa ookhwa!”

Mitteko 17:18

Ahuddihi amodda a mulloko wooromolliwa wi Epikureya ni Stoyiki yaakambirana ni Paulooyo. Amoddaayo yaakoha wi, “Muthu oohidduwelloolla anapaalla ollota tini?” Amodda yahaakhulla wi, “Anooneya wonanko anallalleya dda milluku ddeelleto.” Yallotille ddenndda kaambiiwa Paulooyo aallalleya dda Yesu ni ovenya waye wa ookhwa.

Mitteko 16:33

Mahiiyu vaavo ooweherooyo ahaakusa Paulo ni Sila aahuwa makhwatiiwa. Nave olliye vamodda ni nibanja naye yaabatiziwa.

Mitteko 16:15

Olliye ni athu a nibanja naye ebatiziwe, aaniithana mooniwatihera wi, “Waawoni mukhalle mpa mwaka mwaarimi mwaakhullenlle wi kiri muthu ookhulupilila mwa Apwiya.” Nave aaniwatihera wawi nahaakhullella wi nikhalle ni olliye.

Mitteko 10:47

“Athwaalla ahaakhella Munepa Waweella wonanko hiyaano. Vano khaavo muthu oyo anaahiihe wi ebatiziwe ni maaddi”

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Yohane 1:33

Miyaano ngaamudduwenlle wi aari wonanko aani koma Mulluku oyo aakirumihalle wi kibatize ni maaddi, aallota wa miyaano wi, ‘Oneerewoona Munepa Waweella akitthaka nave aneerokhalla va muthu. Yooyo sika anabatiza ni Munepa Waweella.’

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Mateyu 28:19

Sika khaweni wa athu a mitundu ddittheddene mwaarukunuse ekhalle oohudderaaka vawaabatizani mu nnddina na Attiitthaaka ni na Mwaana ni na Munepa Waweella.

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

2 Petro 3:7

Koma oddullu ni ellapo yavatthi erivweella ennasungiwa ni malamulo a Mulluku yaayo wi yoonongiwe ni munllo. Ddinnasungelliwa nllapo nno athu oohimullapella Mulluku eneeriiwa yeeruziwe ni woonongiwa.

Aheberi 11:35

Atthiyana amodda yaahokolloselliiwa ookondiwiiwa evenyihiwe wa ookhwa. Amodda yahoosiwa ophiyera yahiiphiwa ekhootille ottaphulliwa vawi yatiyerella waakhella okumi woohimalla.

Aheberi 9:10

Vawi ddeko ddenndda ddinallota dda ddoocha, ddoowirya ni ehakallallo ddaweelliha ddoohiyanahiyana. Attheenaalla tti malamulo ayo erivo otiyera enthawi eyo Mulluku anaakeraatthiheeye malamulo anaanweene.

2 Timoteo 2:18

Alliwaalla aahiya ettilla yawoona nave ennarukunusa echikhulupililo ya amodda voollotani wi ovenya wahu wa ookhwa woheereya khalle.

Akolose 2:12

Vawi mwabatiziweenyu, mwaavitthiwa vamodda ni Khrisitu nave mu obatizo mwaavenyihiwattho ni Khrisitu oweella mu echikhulupilwaanyu mu masiva a Mulluku, oyo amuvenyihalle wa ookhwa.

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.

1 Akorinto 10:2

Nngu waari wonanko obatiziwa m'muraponimmo ni mu enyanjammo wi ekhalle oomuthwara Mose.

Aroma 2:16

Nave vano moollikana ni othenga waphaama kinallalleyeemi, mmu sika ddinaakhallelliiwa va nllapo nno Mulluku aneeruzeeye ddookhuweya m'mirimani mwa athu attheene oweella mwa Khrisitu Yesu.

Mitteko 26:8

Kaambiiwa tini, nyuwaano athu muri vaava khamunakhulupilila wi Mulluku annawora waavenyiha athu wa ookhwa?

Mitteko 24:21

Ello emoddave kenreemi yawi kaakhuwa moowelliha mawu kiimenlleemi variyari viwa wi, ‘Munakiipa mullatu ollello ekaamba yookhulupilila wi athu eneerovenya wa ookhwa.’ ”

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.

Mitteko 4:2

Alliwaalla yaananariwa kaambiiwa amurummwa eellaalla yaanaahuddiha athu wi ttuuvenya wa ookhwa kaambiiwa Yesu aavenyattho wa ookhwa.

Yohane 5:29

Nave eneerokhumamo mu mahame mwiwa. Ayo yeerille ddaphaama eneerovenyihiwa wa ookhwa nave yaayo yeerille ddoonanara eneerovenyihiwa wi yeeruziwe.

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”

Luka 12:50

Kinapaalleya ovollowa mu ddoohoosa wonanko mmo muthu anavolloweeye m'maaddini aabatiziwaka. Nave murimaaka onnahoosiwa ophiyera omanlle.

Luka 11:38

Nave Mufarisooyo aattikhina oonilleeye wi Yesu khaanawille m'mattani moollikana ni ehuddiho ya Ayuda, ahinaambe ocha.

Luka 3:16

Sika Yohane ahaalleella attheenaayo wi, “Kinuubatizani ni maaddi koma animawa mmodda muullupalli ookikhwaranya miyaano. Ngiphwanenlle naari ottaphulla mikwe dda esapato ddaye. Olliyooyo aneerewuubatizani ni Munepa Waweella ni munllo.

Mariko 7:8

“Moohiya malamulo a Mulluku koma munathwara ehuddiho ya athu.”

Mariko 7:4

Naari yaavenyeraka omusika kheyaacha ehinahape. Nave yaanathwarattho ehuddiho ddimodda ddinchichi dda makhollwiiwa wonanko ohuwa makapu oowiryella, epalli ni ddeko ddimodda ddawaapeyellamo ddoocha.

Mateyu 3:14

Nave Yohane apaalla wi amuwatteelle, voollotani wi, “Nyu sika munaakibatize ohiri miyaano kuubatizeni. Munawattho wa miyaano?”

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Mitteko 13:3

Vano yaahalla ocha, yaavekella, yahiiyaatthi mattiiwa va alliwaayo nave yaaruma.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.