Aheberi 5:9 - Mawu a Mulluku

⁹ Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Aheberi 5:9 ပူးပေါင်းရင်းမြစ်များ

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 9:12

Vano aavollowa omodda o nipuro noopatuleya na oddullu anoopolla omachimoni wa enthawi yoohimalla. Enre yeella vooheraatthini mukutho wa nikhame naayenaaye woohikhalla na epuri apaalle na eng'ombe.

Mitteko 5:32

Hiyaano tti amboni a ddeko ddenndda vamodda ni Munepa Waweella, oyo Mulluku aavahilleeye ayo enamwiiwellella olliye.”

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Aheberi 11:8

Ekaamba ya echikhulupililo, Abrahamu aamwiiwellella Mulluku amwiithanilleeye wi aye o ellapo eyo amulonjezilleeye wi enaakhalle yaayeyaaye. Naari ahidduwenllewo nko anayeeye, ayaawove.

2 Atesalonika 1:8

nave ni mallumi amunllo wi aallake ayo ehinamudduwella Mulluku nave ayo ehiniiwellella othenga waphaama wa Apwiihu Yesu.

Aroma 2:8

Koma ayo eri awiikonda nave oohithwara yawoona koma enathwara yoonanara, Mulluku aneerewaashella murima wunchichi.

Aroma 1:5

Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.

2 Akorinto 10:5

ni erive ello yoolepheliha athu odduwella dda Mulluku. Ninnaaphara erive maganizo wonanko kaporo wi emwiiwellelleke Khrisitu.

Aroma 15:18

Kineerollota moohoova ddennddove Khrisitu eerilleeye oweella mwa miyaano wi kineeroweeriha athu ayo ehiri Ayuda omwiiwellella Mulluku. Kineereweera ddenndda voollotani ni voopharani muttekwaaka

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

2 Timoteo 2:10

sika kinnavillella ddittheddene ekaamba ya athu ootthoolliwa a Mulluku wi naalliwattho yaphwanye ovullusiwa onaweella mwa Khrisitu Yesu vamodda ni waakhella ntitimiho naye noohimalla.

Aroma 10:16

Koma khe attheene yaakhullelle othenga waphaama. Yesaya aallota wi, “Apwiya, ttaani aakhulupililalle othengaahu?”

Aroma 6:17

Koma Mulluku athokoziwe! Vawi naari khalle mwaari akaporo a machimo, mohiiwellella ni murimaanyu muttheene yawoona ya ehuddiho eyo munathwareenyu moohiyavo murima.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Yohane 19:30

Yesu aamuwirya vinyoolle allota wi, “Ddoomalla!” Vano aawaramiha murwaaye akhwa.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Zekariya 6:15

Ddawoona, athu awoorekama eneeroowa wi emake enyumba ya Apwiya. Sika muneerodduwella wi Apwiya Amasiva Mattheene aakiruma wa nyuwaano. Ddenndda ddineereweereya nyuwaano mwaawiiwellellaka mwawaakuva Apwiya Mullukwaanyu.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Aheberi 11:40

Sika Mulluku aari aganizalle khalle ddoonikhozera ello yoopaalleya wunchichi vawi khaapanlle wi yaakhelle yoolonjeziweeyo hiyaano nihiivo.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

Mitteko 3:15

Nave mwaamwiipha oyo aari oovaha okumi koma Mulluku aamuvenyiha wa ookhwa nave hiyaano tti amboni a ddenndda.

Luka 13:32

Yesu ahaalleella wi, “Khaweni mwamulleelle khatwe, Herode wi kinaakhumihe minepa ddoonanara ni waachiriha athu ollello ni osiisello nave omuroto kineeromalliha muttekwaaka.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Masalimo 51:8

Mukeerihe wi kihakallalle nave kittheye, naari mukipwesillepwesille makhuva, mukaakhullelle kihakallallettho.

Masalimo 45:17

Kineerovuwiha nnddina nanyu o mibado ddittheddene sika athu eneerewuuriihani wa enthawi yoohimalla.

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.