Aheberi 5:8 - Mawu a Mulluku

⁸ Naari aari Mwaana a Mulluku, aahuddera okhalla owiiwellella oweella mu ohoosiwa waye.

Aheberi 5:8 ပူးပေါင်းရင်းမြစ်များ

Afilipi 2:8

Ahiiyeviha nave ahiiwellella ophiyera okhwa, okhwa waye vamutandani.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Aheberi 1:5

Vawi Mulluku khaallotille naari wa mmodda a angelwaaye wi, “We tti Mwanaka, ollello kohuuyara weyaano.” Naari Mulluku khaallotille wa mungelo wi, “Kineerokhalla Attiitthinnya, nave olliye aneerokhalla Mwanaka.”

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Yesaya 53:5

Yaamuhoma ekaamba ya machimwaahu, yaamuphinyulla ekaamba ya ddoolakwa ddahu. Ollaka nko wamumorenlle olliye woonivaha hi murendelle, makhwataaye aanichiriha.

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”