Aheberi 5:5 - Mawu a Mulluku

⁵ Emoddamoddave yeeyo Khrisitu khaawiivahille olemu yeekhaaye wi akhalle mullupa mukutho muullupalli. Koma Mulluku sika allotille wa olliye wi, “We tti Mwanaka. Ollello kohuuyara weyaano.”

Aheberi 5:5 ပူးပေါင်းရင်းမြစ်များ

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

Yohane 8:54

Yesu ahaakhulla wi, “Kaariki kiititimiheke meekhaaka, ntitimiho naka khanaakhalle ni mutteko. Attiitthaaka ayo munalloteenyu wi tti Mullukwaanyu sika enakititimiha miyaano.

Aheberi 1:5

Vawi Mulluku khaallotille naari wa mmodda a angelwaaye wi, “We tti Mwanaka, ollello kohuuyara weyaano.” Naari Mulluku khaallotille wa mungelo wi, “Kineerokhalla Attiitthinnya, nave olliye aneerokhalla Mwanaka.”

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

Mitteko 13:33

Vano ddookwakhwanihiwa wa hiyaano edduullu ddiwa, Mulluku voomuvenyihani Yesu wa ookhwa. Moollikana ni ddalembiwe mu nchipo naneepiilli wi, ‘Weyaano tti Mwanaka, ollello kohuuyara weyaano.’

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Aheberi 5:10

nave Mulluku aamutthoolla wi akhalle mullupa mukutho muullupalli wonanko Melkizedeki.