Aheberi 5:12 - Mawu a Mulluku

¹² Mwaaphwanella muri ahuddihi vawi voollekella mwaambeelleenyu valle navettho munapaalla wi muthu mmodda aambe wuuhuddihani mahuddero awaamba a mawu a Mulluku. Munipuroni nawi mucheke yoocha yoollipa, munapaalleya wi muwiryekeve mukaka.

Aheberi 5:12 ပူးပေါင်းရင်းမြစ်များ

Aheberi 6:1

Vano hankoni nivirellelle ni mahuddero awooniha owaraalla. Noonjerere mahuddero mamodda vaddullu va mahuddero awaamba a dda Khrisitu. Nihikeraattheyettho va ddawaamba nnddo ddiri matthipello awi orukunuwe murima ohiya mitteko ddoohivaha okumi woohimalla, dda waamba omukhulupilila Mulluku,

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

Aheberi 5:13

Arive muthu oyo anawirya mukakave ari wonanko mwaana mung'ong'ono, khanadduwella ohiyaniha yaphaama ni yoonanara.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Masalimo 34:11

Waawoni anaaka, kiiwellelleni, kineerewuuhuddihani owoova Apwiya.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Yesaya 55:1

Apwiya enallota wi, “Nyu attheene oovolliwa nthona, waani, maaddi aakhallawo. Nyu oohikhalla ni makobiri, waani mukulle yoocha wi muche. Waawoni mumukulle vinyo ni mukaka, oohillivella makobiri, oohillivella erive ello.

Ezara 7:10

Vawi murima wa Ezara waari va mahuddero a malamulo a Apwiya ni owiiwellella navettho wi ahuddiheke malamulo ni malangizo mu Israele.

2 Samuele 16:23

Vano mallapo yaayo, malangizo ayo yavelleelliiwa ni Ahitofele yaari wonanko mawu oovenyera wa Mulluku. Sika malangizo mattheene yavelleelliiwa ni Ahitofele yaanathwariwa ni Davide ni Abishalomweene.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

1 Akorinto 14:19

Koma m'mipingoni, weerokhalla phaama wa miyaano ollota mawu atthanu awiiweya phaama waahuddiha amodda ohiyana ni ollota mawu 10,000 mu ellotello ddoohidduwanyeya.

Aroma 3:2

Okhalla Muyuda tti waphaama mu ettilla ddittheddene! Vawaamba, Mulluku ahaavaha Ayuda mawaaye wi yaasunge.

Mitteko 7:38

Tti oyo aari ni athu a o Israele yatthukumanniiwa muchipululuni mulle. Wenko aari namunkhoswe a makhollwaahu ni mungelo oyo allota wa olliyooyo m'mwaangoni wa Sinai nave ahaakhella mawu ookumi a Mulluku wi anivahe hiyaano.

Mariko 9:19

Yesu ahaakhulla wi, “Nyu athu a mbado woohikhulupililoolla! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Afilipi 3:1

Asinnaka ni arokoraka, voovirellellani hakallallani mu eyaattanwaanyu mwa Apwiya. Nginoonavo yookatamiha wuulembellanittho wiilli nnddo kalembilleemi khalle wi dduuddivelleni.

Yesaya 28:13

Ekaamba ya yeella Apwiya eneerekewuuhuddihani vang'ono vang'ono, lemba nimoddanimodda, muzere mmoddammodda, ehuddiho emoddeemodda wi mukhumuwe vaweeta. Muneerophoreya, muneeromakiwa m'musamphani nave eneerewuukusani wuukaporoni.

1 Akorinto 14:20

Asinnaka ni arokoraka, muhinaganizaka wonanko anamwani. Mukhalleke wonanko anamwani ehinadduwella ello va yoonanara nave mukhalleke oowaraalla m'maganizoni mwanyu.

Agalatiya 4:3

Emoddamoddave yeeyo, hiyaanottho naariihu ang'onong'ono naari wonanko akaporo amasiva a ellapweella.

Aheberi 5:11

Ddookhallavo ddeko ddinchichi wi nillote dda mwaha yoolla koma tti ddookatamiha ollota wene kaambiiwa nyuwaano khamuniiwesesa mwawaakuva.

Aheberi 10:32

Koma upuwellani ddaweereyelleninndde, enthawi elle mwaakhenlleenyu owala wa Mulluku, mwaavillella voowanani ekhoto moollipana ni ddoohoosa ddittheddene.