Aheberi 4:9 - Mawu a Mulluku

⁹ Vano ekaamba ya yeella, lonjezo nawiithuuwa wonanko nllapo na Sabata na Mulluku wa athwaaye nookhallavove.

Aheberi 4:9 ပူးပေါင်းရင်းမြစ်များ

1 Petro 2:10

Khalle nyuwaano khamwaari athu a Mulluku koma vano nyuwaano tti athwaaye. Khalle nyuwaano khamwaadduwenlle echifundo ya Mulluku koma vano mohaakhella echifundo.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Aheberi 4:3

Vano hiyaano nikhulupililalleva, ninnaakhella wiithuuwa wonanko mmo allotilleeye wi, “Kishille murima kaallupella wi, ‘Khewa evollowa mu nipuro naka nawiithuuwellamo!’ ” Allotille ddenndda naari amallihalleeye muttekwaaye va enthawi amallihalleeye ophatusa ellapo yavatthi.

Aheberi 4:1

Vano lonjezano na Mulluku allotilleeye khallenne na ovollowa munipuroni naye nawiithuuwellamo, nookhallawove. Hankoni nichenjere wi ahikhallevo naari mmodda anooneya wi khavollowillemo mwawiithuuwella.

Aheberi 11:25

Olliye aatthoolla ohoosiwa vamodda ni athu a Mulluku ohiyana ni okhalla ni ddoohakallalliha ddoochimwa wa enthawi yooyeva.

Aheberi 3:11

Kaananariwa nave kaallupella wi, ‘Khewa evollowa mu nipuro naka nawiithuuwellamo!’ ”

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Yesaya 57:2

Nave ennakhwa mwamurendelle vawi oolungama enniithuuwa phaama yakhwa.

Masalimo 47:9

Oohoollella a athu a mitundu ennatthukumana ni athu a Mulluku a Abrahamu, Vawi mamwene mattheene a vatthimva tti aaye, olliye annatitimihiwa wunchichi.

Aheberi 4:8

Yoswa aweerihalleke athwaayo wi yiithuuwe wonanko mmo Mulluku allotelleeye khalle, Mullukooyo khaallotettho vatulli viwa dda nllapo nimodda nawiithuuwa.

Aheberi 4:10

Vawi wa ayo enaavollowe mu wiithuuwa nko Mulluku alonjezilleeye khalle eneerewiithuuwa emallihalle ophara mitteko ddiwa, othwarihella wi Mulluku ahiithuuwattho ohiya mitteko ddaye.

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

Eksodo 16:30

Sika athu yaaniithuuwa va nllapo naneetthanu ni piilli.