Aheberi 4:6 - Mawu a Mulluku

⁶ Athu ayo yiiwalle othenga waphaamoolla vawaamba valle kheyaavollowille mu wiithuuwanko kaambiiwa kheyaawiiwellelle. Vano yookhallavo amodda ayo yaakhullelliwe wi evollowemo.

Aheberi 4:6 ပူးပေါင်းရင်းမြစ်များ

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Aheberi 4:2

Vawi othenga waphaama waallalleyiwa wa hiyaano wonanko wallalleyiwelliiwa wa alliwaayo koma othenga wallalleyiwooyo kheyaaphurallena ello kaambiiwa kheyaawaakhenlle ni echikhulupililo.

Mitteko 28:28

Nave Paulo aamalliha ni wi, “Vano mudduwelle wi Mulluku oorumiha mawaaye oovullusa wa athu ayo ehiri Ayuda. Alliwaayo eneerowiiwella!”

Aheberi 4:9

Vano ekaamba ya yeella, lonjezo nawiithuuwa wonanko nllapo na Sabata na Mulluku wa athwaaye nookhallavove.

Agalatiya 3:8

Mawu a Mulluku yaallotella wi Mulluku aneeroweera oolungama athu ayo ehiri Ayuda oweella mu echikhulupililo. Sika Mulluku aamulleella Abrahamu wi, “Oweella mwa weyaano mitundu ddittheddene ddineerodalisiwa.”

Yesaya 65:15

Athwaaka ootthoolliwa eneeroromolla nnddina nanyu vootembelelani nave mi Apwiya Mulluku kineerowiiphani. Koma oyo anakiiwellella miyaano kineeromuvaha nnddina nanaanweene.

Numeri 14:31

Aniinyu ayo mweereenyu eneerophariwa okaporo, kineerowaavollochiha mwiillaponimmo nave sika enaayidduwelle ellapo eyo munayivevulleenyu.

Numeri 14:12

Kineerowiipha ni mullilli nave khevollowamo mwiillaponimmo. Vano kineerewuutthattusa mutundu muullupalli ni wamasiva okhwaranya alliwaalla.”

1 Akorinto 7:29

Asinnaka ni arokoraka, eyo kinaakeemi tti yawi enthawi ehanlle tti yooyeva nave waambeella ollello, allopwana ootthella emuhiyeke Mulluku vahoollo wonanko khetthenlle.

Aheberi 4:11

Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.