Aheberi 4:11 - Mawu a Mulluku

¹¹ Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.

Aheberi 4:11 ပူးပေါင်းရင်းမြစ်များ

Aheberi 3:18

Mulluku allupenlleeye valle wi, “Khewattho evollowa mu nipuro naka nawiithuuwellamo,” allota ddawani? Allota dda athu yahimwiiwellelle.

Luka 13:24

“Mullipihelle ovollowella va mullako mung'onong'ono kaambiiwa, kinimuulleellanithi wi athu anchichi eneereweesa ovollowellavo koma khewora.

Aheberi 6:11

Ninnapaalla wunchichi wi arive muthu a nyuwaano avirellelle wooniha ollipa murima ophiyera omamallihelloni, mvo ddeko munatiyereenyu ddinaakwakhwanihiwiiwa.

Aefeso 5:6

Ahikhallevo muthu anaawukarangeyiheni ni mawu oolleka kaambiiwa ddeko ddenndda ddinnawiiha owalli wa Mulluku va ayo ehinamwiiwellella.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Afilipi 2:12

Sika vano, akhwaaka ookondiwa vawi mwaakiiwellella enthawi ettheene kaariimi ni nyuwaano, tti woopaalleya wunchichi wi mukiiwellelleke vano kiriimi woorekama ni nyuwaano. Virellellani ophara mutteko mwawoova ni mootthukumella wi mwakuthulle ovullusiwa wanyu,

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Akolose 3:6

Ekaamba ya ddeko ddenndda Mulluku aneerewaashella murima ayo ehinamwiiwellella.

Mitteko 26:19

“Nave sika mwene Agripa, ngaakhootille wiiwellella nnddo koonilleemi mu masomphenya.

Luka 16:16

“Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Mateyu 11:12

Waambeella enthawi eyo Yohane allalleyeeye ophiyera ollello omwene wa Mulluku wookhalla owukiliwaka nave athu oowukilaayo enneeseesa wi yaakhe omwenooyo.

Mateyu 7:13

“Volloweellani va mullako mung'onong'ono kaambiiwa mullako wooya o gehena tti wooramballalla navettho museweene tti wookhweya nave eneetamo tti athu anchichi.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Aheberi 4:6

Athu ayo yiiwalle othenga waphaamoolla vawaamba valle kheyaavollowille mu wiithuuwanko kaambiiwa kheyaawiiwellelle. Vano yookhallavo amodda ayo yaakhullelliwe wi evollowemo.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

Yoswa 7:3

Ehokollweelle wa Yoswa, athwaayo yaamulleella wi, “Khe woopaalleya wi attheene niyeewo. Arumeni athu 2,000 apaalle 3,000 wi yawane ekhoto ni athu a muzinda wa Ai. Muhaatopihe athu attheene wenko vawi a wenko tti aweerengeya.”