Aheberi 4:10 - Mawu a Mulluku

¹⁰ Vawi wa ayo enaavollowe mu wiithuuwa nko Mulluku alonjezilleeye khalle eneerewiithuuwa emallihalle ophara mitteko ddiwa, othwarihella wi Mulluku ahiithuuwattho ohiya mitteko ddaye.

Aheberi 4:10 ပူးပေါင်းရင်းမြစ်များ

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

Aheberi 10:12

Koma Khrisitu ahiiheraatthi mukutho mmoddave woweelliha machimo mattheene. Aheraatthilleeye, aakeraatthi o nnattanatta na Mulluku.

Yohane 19:30

Yesu aamuwirya vinyoolle allota wi, “Ddoomalla!” Vano aawaramiha murwaaye akhwa.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Genesis 2:2

Va nllapo naneetthanu ni nimodda, Mulluku aamalliha mitteko ddaye ddittheddene aphareeye nave ahiithuuwa nllapo naneetthanu ni piilli.

Aheberi 4:9

Vano ekaamba ya yeella, lonjezo nawiithuuwa wonanko nllapo na Sabata na Mulluku wa athwaaye nookhallavove.

Yawuupullulla 6:11

Arive muthu aavahiwa ddoowara ddaweella nave yaalleelliwa wi, “Tiyerani vang'ono ophiyera echiwerengero ya oorumeyella akhwiinyu vamodda ni asinninyu ni arokorinyu ekwakhwanne, ayottho enaphwanella wi yiiphiwe wonanko nyeene.”