Aheberi 3:5 - Mawu a Mulluku

⁵ Mose aari oororomelleya va muttekwaaye mu enyumba ettheene ya Mulluku wonanko oorumeyella nave allotille dda ddeko nnddo Mulluku aneereeye allote muhoollo.

Aheberi 3:5 ပူးပေါင်းရင်းမြစ်များ

Numeri 12:7

Koma ngeerille ddiiddo ni oorumeyellaaka Mose oyo akhanlle aaweheraka athwaaka attheene Aisraele.

Aheberi 3:2

Olliye aari oororomelleya wa Mulluku oyo amutthoonlle, wonanko Mose aariiyettho oororomelleya va muttekwaaye mu enyumba ettheene ya Mulluku.

Eksodo 14:31

Yahoona masiva muullupalli ayo Apwiya yoonihalliiwa vawaagonjihani Aiguputwaalle. Sika yahaamba owoova Apwiya nave yaanaakhulupilila Apwiyaayo ni Mose oorumeyelliiwa.

Masalimo 105:26

Apwiya yaamuruma Mose oorumeyelliiwa ni Aroni oyo yamutthonlliiwa.

Mitteko 28:23

Vano yahiiwanana nllapo nawi ekumane ni Paulooyo nave mulloko muullupalli wa athu waawa nllapo nenno ochipindani wakhalla Paulonko. Waambeella ohinase ophiyera mahiiyu ahaatthopoollella ni weerella omboni dda omwene wa Mulluku. Ahaalleella dda Yesu vawaaromollellani dda malamulo a Mose ni ehuddiho ya anamallotella nngu aapaallaka wi aakope.

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

1 Timoteo 1:12

Kinamuthokoza Khrisitu Yesu Apwiihu oyo akivahille masiva va muttekwaakoolla. Kinamuthokozattho vookeerani oororomelleya ni okitthoolla wi kimurumeyelle,

Yoswa 1:2

“Mose oorumeyellaaka ookhwa. Vano, khozeka weyaano ni Aisraele attheenaalla, mullapuwe muhinje wa Yordani nave muvollowe mu ellapo eyo kinaawaavaheemi Aisraele.

Deuteronomo 34:5

Sika Mose, oorumeyella a Apwiya, aakhwa wenko mu ellapo ya Mowabu moollikana ni mmo Apwiya yallotelliiwa.

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

Aroma 3:21

Nave vano mmo Mulluku anaalungamihelleeye athu moohuupullulliwa. Naari malamulo a Mose ni ehuddiho ya anamallotella tti mboni dda olungamihiwanngu.

Yohane 5:39

Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Yoswa 8:31

Aanimaka moollikana ni malangizo ayo Mose oorumeyella a Apwiya awinnyalleeye Aisraele ni moollikana ni ddoolembiwa mu nibukhu na malamulo a Mose oollota wi, “Nikuwa nikhalle namalluku oohisema ni ezipangizo dda mikoko.” Va nikuwanno yaavelleellavo mikutho ddooshellelliha wa Apwiya nave yaavelleella mikutho ddamurendelle.

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

Mitteko 7:37

Moseene tti yoolle allotille wa athu a o Israele wi, ‘Mulluku aneerewuurumihellani namallotella ovenyera mwa nyuwaano, wonanko miyaano.’

Luka 12:42

Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

Mateyu 24:45

“Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Yoswa 8:33

Aisraele attheene ni oohoollelliiwa, attekweeniiwa, aweeruziiwa ni alleto ayo yaari variyari viwa, yahiimella va embali piilli dda nibokosi na echipanganonne moowehana ni allupa mukutho Eelevi ayo yatukhulla nibokosinno. Hafu a mulloko wa athwaayo ahiimella moowehana ni mwaango wa Gerizimu nave hafu mmodda a mulloko wa athwaayo ahiimella moowehana ni mwaango wa Ebala. Vawaambawaamba Mose oorumeyella a Apwiya ahaalamula alliwaayo wi yeereke ddenndda yaapaallaka waakhella madaliso.

Yoswa 1:15

Nave alliwa yaakhella ellapo eyo Apwiya Mullukwiiwa yaavahilliiwa nave yiithuuwamo, nyuwaano muneerohokollowa wi mukeraattheye mu ellapo eyo uuvahilleni Mose, oorumeyella a Apwiya wuno wookhuma nndduwa okhopella wa Yordani.”

Yoswa 1:7

Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.

Deuteronomo 3:24

‘Nyu Apwiya Mulluku, mohaamba omoonihella oorumeyellaanyu mitteko dda ottekweenaanyu ni masivaanyu. Oddullu ni vatthi khaavo mulluku mmodda oyo anaawore weera ddeko dda masiva wonanko nnddo muneereenyu.

Nehemiya 9:14

Mwahaahuddiha osunga Sabata naweella nave mwahaavaha malamulwaanyu oweella mwa oorumeyellaanyu Mose.

Eksodo 40:16

Mose aheera ddittheddene moollikana ni mmo Apwiya yamulamulelliiwa.

Aheberi 1:1

Khalle, Mulluku aallota wa makhollwaahu enthawi ddoohiyanahiyana nave moohiyanahiyana oweella mwa anamallotella.

Aheberi 3:4

Erive enyumba, enamakiwa ni muthu mmodda koma Mulluku sika amakille ddeko ddittheddene.

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.