Aheberi 3:18 - Mawu a Mulluku

¹⁸ Mulluku allupenlleeye valle wi, “Khewattho evollowa mu nipuro naka nawiithuuwellamo,” allota ddawani? Allota dda athu yahimwiiwellelle.

Aheberi 3:18 ပူးပေါင်းရင်းမြစ်များ

Aheberi 4:6

Athu ayo yiiwalle othenga waphaamoolla vawaamba valle kheyaavollowille mu wiithuuwanko kaambiiwa kheyaawiiwellelle. Vano yookhallavo amodda ayo yaakhullelliwe wi evollowemo.

Numeri 14:30

khaavo naari mmodda oyo anaavollowe mu ellapo eyo kallupenlleemi wi muneerovollowamo omupatula Kalebe mwaana a Yefune ni Yoswa mwaana a Nuni.

Numeri 20:12

Apwiya yaamulleella Mose ni Aroni wi, “Vawi khamwaakikhulupilinle nave khamoonihalle vamiitthoni va Aisraele wi miyaano tti aweella, khamwaavollochiha athwaalla mu ellapo eyo kaavahilleemi.”

Aheberi 4:2

Vawi othenga waphaama waallalleyiwa wa hiyaano wonanko wallalleyiwelliiwa wa alliwaayo koma othenga wallalleyiwooyo kheyaaphurallena ello kaambiiwa kheyaawaakhenlle ni echikhulupililo.

Aheberi 3:11

Kaananariwa nave kaallupella wi, ‘Khewa evollowa mu nipuro naka nawiithuuwellamo!’ ”

Deuteronomo 9:23

Nave Apwiya yuurumalliiwani ovenyera o Kadeshi Baranea wi mwaakhe ellapo yuuvahilleewani, nyuwaano mwahaawukila Apwiya Mullukwaanyu nave khemwaawaakhulupililalle apaalle wiiwellella mawiiwa.

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Numeri 14:37

Athu attheene ayo yatthopoolla ddoonanara dda ellapweeyo yaakhwa ni mullilli vamiitthoni va Apwiya.

Masalimo 78:22

vawi khaamukhulupililalle Mulluku. Khaaroromenlle masivaaye oovullusa.

Yohane 3:36

Oyo anamukhulupilila mwaana ookhalla ni okumi woohimalla koma oyo ahinamukhulupilila Mwaana khakhalla ni okumi nave Mulluku khahiya omullaka olliyooyo.

Aroma 11:30

Nyu athu ayo ehiri Aisraele, khamwaamwiiwellelle Mulluku koma ooweerellani echifundo ekaamba yoohiiwellella wa Aisraele.

Aheberi 4:11

Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.