Aheberi 3:10 - Mawu a Mulluku

¹⁰ Sika wa miyakha 40 kahaananariwella athwaayo killota wi, ‘Mallapo mattheene ennahollowa m'murimani mwiwa, nave ennakhoota othwara malamulwaaka.’

Aheberi 3:10 ပူးပေါင်းရင်းမြစ်များ

Masalimo 95:10

Va miyakha 40 kaananariwana mbado yoolla, sika kaallota wi, “Alla tti athu oohollowa, khenapwatha ettilla ddaka.”

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Masalimo 67:2

Ettillaanyu edduwanyeye va ellapo yavatthi, ovullusa wanyu variyari va mitundu athu ddittheddene.

Hoseya 4:12

Athwaaka ennaveka ezeru o nifano namuteekho nave ennoombesa ni ekopo ddiwa. Munepa wa oraruwa wohaahollosa nave voomuhiyani Mullukwiiwa aakhalla oohiroromelleya.

Yesaya 63:10

Komave athu yaawukila ni omoriha ethakaraka munepiiwa waweella. Sika Apwiya aatthattuwa mudaniiwa nave aawanana.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Yohane 8:45

Koma miyaano kaambiiwa kinallota ddawoona, khamunakikhulupilila.

Mariko 3:5

Yesu ahaaweha moonanariwa komattho ahaamoriwella ethakaraka kaambiiwa yaari athu awumma murima. Vano aallota wa muthu a nnatta noorakalloolle wi, “Okolla nnatta nawo.” Ahookolla nave naachirihiwa.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

Masalimo 147:20

Kheyaaweerille nndda wa athu a mitundu ddimodda sika kheyaadduwella malangizwiiwa. Aleluya!

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

Aroma 3:7

Koma weera ddoonanara waka waavelleellaka ntitimiho wa Mulluku wooniha wi olliye tti awoona kaambiiwa tini wi miyaano keeriweemi oochimwa?

Masalimo 78:40

Wiilliwiilli yaanamuwukila muchipululuni, enammoriha ethakaraka.

Genesis 6:6

yaamoriwa ethakaraka wi yahaaphatusa athu ni waahiya va ellapo yavatthi. Vawi murima wahaavoreya wunchichi,

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Mateyu 20:24

Oohuddera amodda khumaalle yiiwalliiwa ddennddo, yahaashella murima Yakobo ni Yohane.