Aheberi 3:1 - Mawu a Mulluku

¹ Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Aheberi 3:1 ပူးပေါင်းရင်းမြစ်များ

2 Timoteo 1:9

Olliye aanivullusa nave aaniithana wi nikhalle athwaaye, ohiri ekaamba ya mitteko ddahu koma ekaamba ya yoolingaaye ni echisomwaaye. Aanivaha echisomo mwa Khrisitu Yesu enthawi ehinaambe.

Afilipi 3:14

Sika kinathamaka ni yoolinga wi kathuviwe okumi wooddullu oyo Mulluku akiithanelleeye oweella mwa Khrisitu Yesu.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

Aheberi 10:21

Sika vano nookhalla ni mullupa mukutho muullupalli oyo analamulella enyumba ya Mulluku.

Aefeso 4:4

Vookhalla mwiilli mmodda ni Munepa mmodda, wonankottho mmo mwavaheriweenyu otiyera omodda mvo Mulluku aawiithanilleeyeni.

1 Atesalonika 2:12

Nahuullipihani murima, nahuukhurumusani murima nave naanuuvekani wi mukhalleke ni makhallello oomuhakallalliha Mulluku, oyo anawiithanani nyuwaano wi muvollowe mu omwenaaye nave mu ntitimiho naye.

1 Akorinto 9:23

Kineera ddittheddenndda ekaamba ya othenga waphaama wi nameenettho kaakhellena madaliso.

2 Timoteo 2:7

Ganizera phaama nndda kinuulleelleemi kaambiiwa Apwiya eneerewuuvaha wiiwesesa mu ddittheddene.

1 Timoteo 6:12

Wanana ekhoto yaphaama ya echikhulupililo, pharesesa okumi woohimalla oyo wiithanelliweewe nave wahaakhullella moohikhuwa echikhulupililwaawo vamiitthoni va amboni anchichi.

Aroma 15:8

Vawi kinimuulleellani wi Khrisitu aari oorumeyella a Ayuda osimikizella wi Mulluku tti oororomelleya wi ddikwakhwane nnddo alonjezilleeye ni makhollwiiwa

Aheberi 2:11

Annaweelliha athu o machimwiiwa nave olliye vamodda ni ooweellihiwaayo, Attiitthiiwa tti mmodda. Ella sika ekaambiiwa Yesu ahinawulliweeye muru waaromolla wi tti asinne ni arokoriye.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Hagai 1:5

Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Masalimo 110:4

Apwiya aallupella khesintha maganizwiiwa awi, “We tti mullupa mukutho wa enthawi yoohimalla, omullupa mukuthweene wonanko wa Melkizedeki.”*

Yuda 1:1

Ovenyera wa miyaano Yuda, oorumeyella a Yesu Khrisitu ni mwanamunne a Yakobo. Kinuulembellani nyuwaano mwiithaniwe nave munakondiwa ni Mulluku Attiitthaanyu ni oteteziwa ni Yesu Khrisitu.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Yesaya 1:3

Eng'ombe ennamudduwella mwaneena nave bulu annadduwella nko pwinnya anamuchiheeyewo koma Israele khanadduwella. Athwaaka kheniiwa naari vang'ono.”

1 Timoteo 6:2

Nave ayo erina apwiiwa ookhulupilila, ehaavevulle kaambiiwa tti asinniwa ni arokoriwa. Koma yaarumeyelleke phaama kaambiiwa ayo enapindula ni mitteko ddiwa, alliwattho tti ookhulupilila ni ookondiwa. Onaphwanella waahuddihe ni waallipiha murima mu ddenndda.

2 Atesalonika 2:14

Mulluku aawiithanellani ddenndda oyeella mu othenga waphaama olle nawullalleyeehu wa nyuwaano. Aawiithanani wi mwaakhellena ntitimiho na Apwiihu Yesu Khrisitu.

2 Atesalonika 1:11

Ella sika ekaambiiwa ninuuvekellelleehuni enthawi ddittheddene wi Mullukwaahu aweereni nyuwaano oophwanellella okumi oyo aawiithanelleeyeni. Ninavekattho wi ni masivaaye akwakhwanihe minkhella ddanyu ddaweera ddaphaama ni ddaweera mutteko wa echikhulupililo,

1 Atesalonika 5:27

Kinimuulamulani mu nnddina na Apwiya wi kalata yoolla eerengiwe wa ookhulupilila attheene.

Akolose 3:12

Nyuwaano tti athu a Mulluku. Olliyooyo ahuukondani nave ahuutthoollani wi mukhalle aaye. Sika vano munaphwanella wi mukhalleke a murima waweera echifundo, ooreera murima, awiiyeviha, oomaalleya ni oovillella.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

2 Akorinto 1:7

Sika otiyera wahu mwa nyuwaano tti woohitikheya. Ninnadduwella wi Mwaahoosiwa wonanko hiyaano muneerokhurumusiwattho murima wonanko hiyaano.

1 Akorinto 1:2

Kinalembella mpingo wa Mulluku oyo ori m'muzindani wa Korinto, wa ayo yeeriwe aweella mwa Khrisitu Yesu nave yiithaniwe wi ekhalle athu a Mulluku. Navettho kinalembella wa athu attheene enaallapella Apwiihu Yesu Khrisitu m'mapuroni mattheene. Olliye tti Apwiiwa ni aahu.

Aroma 15:27

Yaganizalle ddenndda moohiwatiheriwa koma waari odindwiiwa wi yaakavihere athwaayo. Vawi Ayuda yaakawana madaliso a Munepiiwa ni athu ayo ehiri Ayuda, athu ayo ehiri Ayudaayo enaphwanella yaavaheke Ayudaayo ddeko ddoopaalleya ddiwa.

Aroma 11:17

Enthambi ddimodda dda muteekho wa olivi wawaalliwa ddahinttakeya nave enthambi ya muteekho wa olivi wa muhakani waamakellelliwavo. Nyu athu ayo ehiri Aisraele muri wonanko muteekho wa olivi wa muhakani nave munnakawanana ddaphaama dda muteekho wa olivi wawaalliwa, Aisraele.

Aroma 9:24

Vawi hiyaano tti athu ayo aawiithanneeye, ohiri ovenyera variyari va Ayudave navettho ovenyera variyari va athu ayo ehiri Ayuda.

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Hagai 2:15

“Vano ganizerani nnddo ddeereya ehinaambe omakattho enyumba ya Apwiya.

Ezekiele 18:28

Vawi aadduwella onanara wa machimwaaye, aahiya, aneerokhalla ni okumi nave khakhwa.

Ezekiele 12:3

Vano we mwaana a muthu, mukuse katundwaawo okhalle wonanko muthu anaya wuukaporoni. Nave otimulle otthaana oya o nipuro nimodda alliwa ewoonaka. Apaalle ttuuwiiwa naari eri oowukila.

Yesaya 41:20

Sika athu eneerewoona ni odduwella, eneerodduwellesesa ni wiiwesesa wi mi Apwiya sika kenre ddenndda, wi Aweella a Israele sika addikeraatthihalle.

Yesaya 5:12

Enakhallella wiipa azeze, magitala, ekoma ni ezitoliro, enamuwirya vinyo va machellellwiiwa. Koma khenapwatha apaalle woona mitteko dda matta a Apwiya.

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

1 Yohane 1:3

Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

1 Petro 5:10

Nave mwahoosiwalle wa enthawi yooyeva, Mulluku a echisomo ettheene, oyo awiithanilleni wi mukawanena mu ntitimiho naye noohimalla mu eyaattano ni Khrisitu, olliye yeekhaaye aneerewuuhokollosellani masivaanyu, aneerewuullipihani navettho aneerewuukeraatthihani.

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

1 Petro 3:5

Vawi atthiyana aweella ekhalle ayo yamutiyerella Mulluku yaaniireeriha voowiiwellellani amamuniwa.

Aheberi 9:11

Koma Khrisitu awiille wonanko mullupa mukutho muullupalli a ddeko ddaphaama nnddo ddirivo khalle. Aayaattho mu musasa woollapellamo waphaama wunchichi oyo ohimakiwe ni athu nave yooyo khohiyoni wa ellapo yavattheella.

Aheberi 6:20

Yesu aahoolla avollowamo ekaamba ya hiyaano navettho olliyooyo sika ari mullupa mukutho muullupalli wa enthawi yoohimalla wonanko Melkizedeki.*

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

1 Akorinto 10:17

Kaambiiwa buledi tti mmodda, hiyaano attheene naari naatille niri mwiilli mmodda vawi ninnaattana mu buledi mmoddave yooyo.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

2 Akorinto 9:13

Nave ekaamba ya omboni wa muttekwaanyoolla, athu anchichi eneeromutitimiha Mulluku. Vawi mwaakhulupilila othenga waphaama wa Khrisitu navettho ovelleella wanyu mwawoollowa matta vookawanani ni alliwaayo ni athu amodda attheene.

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Aheberi 7:28

Malamulo a Mose ennaatthoolla athu oolephela wi ekhalle allupa mukutho uullupalli. Koma lonjezo na Mulluku nno neeriwe ni nllupello ni nno nawiille vatulli va malamulo ninnamutthoolla Mwanaye. Nave tti mullupa mukutho muullupalli wa enthawi yoohimalla.

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

Aheberi 10:19

Asinnaka ni arokoraka, nikhame na Yesu ninanillipiha murima wi nineerovollowa mu nipuro naweellesesa.

Aheberi 10:23

Nillipihelle waakhullella moohikayikella nnddo ninadditiyereehu vawi oyo anilonjezille ddenndda tti oororomelleya.

Aheberi 13:22

Kinimuuvekani, asinnaka ni arokoraka wi muwaakhelle phaama mawu oollipiha murimaalla vawi kuulembelleni moophadda.