Aheberi 2:9 - Mawu a Mulluku

⁹ Koma ninnamoona Yesooyo va enthawi yooyeva avevulliwe, akhwaranyiwe ni angelo wi mwa echisomo ya Mulluku aakhwa munipuroni mwa athu attheene. Nave ekaamba ya okhwa oonilleeye, aavahiwa oriiheya ni olemu woomwene.

Aheberi 2:9 ပူးပေါင်းရင်းမြစ်များ

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Aroma 5:18

Sika nichimo nimodda naawaana ollakiwa wa athu attheene, emoddamoddave yeeyo yaweera ya echilungamo emodda ennaattaphulla athu attheene nave ennaavaha okumi woohimalla.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

2 Akorinto 5:15

Nave Khrisitu aakhwa ekaamba ya attheene wi ayo eri ni okumi khenaphwanella ekhalleke ni okumi mwaweekhiiwa koma wa oyo aakhwille ni ovenyihiwa wa ookhwa ekaamba ya alliwaayo.

Aheberi 10:5

Khrisitu awiilleeye va ellapo yavatthi aallota wa Mulluku wi, “Nyu khamunapaalla mukutho ni emphaso, koma mwaakivaha miyaano mwiilli.

Aroma 5:8

Koma Mulluku ahooniha echikondaaye va hiyaano kaambiiwa Khrisitu aanikhwella naariihu oochimwa.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Yohane 12:32

Nave miyaano katthomeyiwa vamutandani, kineerewaatthukumaniha athu attheene wa miyaano.”

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

Aheberi 8:3

Arive mullupa mukutho muullupalli anatthoolliwa wi aheraatthiki mikutho ni emphaso wa Mulluku nave sika mullupa mukuthwaahu muullupalli anaphwanellattho okhalla ni yawi aheraatthi.

1 Timoteo 2:6

oyo iivelleelle yeekhaaye wi amoopolle arive muthu. Woopollanngu sika omboni waavelleelliwe va enthawi yoophwanellella.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Yohane 10:17

“Attiitthaaka ennakikonda kaambiiwa kinnapaalla okhwa wi kaakhellettho okumaaka.

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Mateyu 16:28

Ddawoona, kinimuulleellani wi, aakhallavo amodda vaava khewa ekhwa ophiyera ekoonille mi, Mwaana a Muthu kiwaaka wi kilamulelle wonanko mwene.”

Yawuupullulla 19:12

Miitthwaaye yaari wonanko mallumi amunllo nave aawara akorona* anchichi omuruni waye. Nnddina naye naalembiwa va olliye nave khaavo adduwenlle ottaphullella wiwa koma yeekhaayeve.

Aheberi 2:7

Va enthawi yooyeva mwaanivevulla wi nikhwaranyiwe ni angelo, koma mwaanivaha oriiheya ni olemu woomwene,

Luka 9:27

Ddawoona, kinimuulleellani wi, aakhallavo amodda vaava khekhwa ophiyera yoonille omwene wa Mulluku.”

Mariko 9:1

Aavirellella ollota wi, “Ddawoona, kinimuulleellani wi, aakhallavo amodda vaava khekhwa ophiyera yoone omwene wa Mulluku owiille ni masiviiwa.”

Mateyu 6:28

Nave kaambiiwa tini munakhupanyeenyu ekaamba ya ddoowara? Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara.

Yesaya 11:1

Enthambi eneerophuwa va nikoto na Yese nave yoophuwa eneerokhuma o misisi ddaye.

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Aheberi 1:9

Munnakonda echilungamo nave munniitana ni ddoonanara. Miyaano Mullukwaanyu kuutthoonlleni ekaamba ya yeella nave kohuuriihani vawuuvahani ehakallallo yuullupalli ohiyana ni eyo kaavahilleemi akhwiinyu.”

Aheberi 11:5

Ekaamba ya echikhulupililo, Enoki aakusiwa ni Mulluku oya oddullu ari mukumi vawi khaavo oonille mutembwaaye. Mawu a Mulluku tti mboni wi ahinakusiwe oya oddullu aheera ddoomuhakallalliha Mulluku.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.