Aheberi 2:8 - Mawu a Mulluku

⁸ nave mwaanivaha olamulello va ddeko ddittheddene.” Mawu a Mulluku yaallotaka wi aanivaha “olamulello va ddeko ddittheddene,” enattaphullella wi ddeko ddittheddene ohihiyavo naari emodda. Naari vano khaninawoona athu elamulellaka va ddeko ddittheddenennddo.

Aheberi 2:8 ပူးပေါင်းရင်းမြစ်များ

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

1 Akorinto 15:27

Vawi mawu a Mulluku enallota wi, “Mulluku aahiya ddeko ddittheddene m'mattani mwaye.” Nave tti ddoodduwanyeya khalle wi mawu awi, “ddeko ddittheddene” khenamwaaka ni Mullukweene oyo anahiya ddeko ddittheddene m'mattani mwa Khrisitu.

Masalimo 8:6

Moomuvaha olamulello va mitteko dda mattaanyu, moohiya ddoophatusiwa ddittheddene vatthi va manyallwaaye

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Aheberi 1:13

Mulluku khaallotille wa mmodda a angelwaaye wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Aheberi 2:5

Mulluku khaavahille angelo olamulello va ellapo enaweeyo, dda eyo ninalloteehu.

Yohane 3:35

Attiitthinnya ennamukonda Mwaniwa nave aahiya ddeko ddittheddene mu olamulellwaaye.

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.