Aheberi 2:14 - Mawu a Mulluku

¹⁴ Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Aheberi 2:14 ပူးပေါင်းရင်းမြစ်များ

2 Timoteo 1:10

Nave vano ddenndda ddohuupullulliwa wa hiyaano mwa wooneya wa oovullusaahu, Khrisitu Yesu. Aahiiha okhwa nave ohooniha vaweella okumi woohimalla oweella mwa othenga waphaama.

Aroma 8:3

Mulluku aheera eyo malamulo a Mose yahiwonriiwa weera kaambiiwa omuthu waalephela. Olliye aahumullulla machimo oomuthwaayo voomurumihani mwanaye, oyo aawiille mwa mwiilli wonanko muthu oochimwa wi amallihe machimo.

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Aheberi 9:15

Khrisitu akhwille wi aavulluse ayo yachimwalle mu enthawi ya echipangano yawaambeelle. Vano tti namunkhoswe a echipangano yanaanweene wi ayo yiithaniwe yaakhelle madaliso oohimalla ayo Mulluku alonjezilleeye.

1 Akorinto 15:50

Eyo kinaakeemi, asinnaka ni arokoraka, tti yawi yawoopiwa ni mwiilli ni nikhame khewora waakhella omwene wa Mulluku nave yoomalla khewora waakhella yoohimalla.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Aroma 14:9

Vawi Khrisitu aakhwa avenyihiwa wi akhalle Apwiya a athu akumi ni a ookhwa.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Aheberi 2:18

Kaambiiwa olliye mwaneena aheesiwa ni ohoosiwa vano ttuuwora waakavihera ayo eneesiwa.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Aheberi 4:15

Mullupa mukutho muullupallaahooyo anniiwesesa ofooka wahu vawi olliyettho aheesiwa wonanko hiyaano koma khaachimwalle.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

Yohane 12:24

Ddawoona, kinimuulleellani wi, mmiddo wa tirigu waahimora muthayani, okhwa, yooyo onakhalla va weekhiiwa. Koma wakhwa onimma ezipaso ddinchichi.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

1 Akorinto 1:28

Aatthoolla eyo eri yoohikhalla ni mutteko vamiitthoni va athu ni yoovevulliwa, eyo ehiri ello wi eerihe ohikhalla ni mutteko eyo athu eneesiiwa yookhalla ni mutteko.

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

Aheberi 10:5

Khrisitu awiilleeye va ellapo yavatthi aallota wa Mulluku wi, “Nyu khamunapaalla mukutho ni emphaso, koma mwaakivaha miyaano mwiilli.

Aheberi 10:10

Sika noheellihiwa kaambiiwa Yesu Khrisitu aamwiiwellella Mulluku vawiiheraatthini mukutho wawaamba ni wookomihera.

1 Petro 1:20

Mulluku aamutthoolla ellapo yavatthi ehinaphatusiwe nave ahuupullulliwa mu mallapo oomallihaalla ekaamba ya nyuwaano.