Aheberi 13:7 - Mawu a Mulluku

⁷ Muwuupuwelleke oohoollellaanyu ayo yuuhuddihalleni dda othenga wa Mulluku. Muupuwelleke wi yakhalla mwawiidde. Mweeseeseke ottakihera echikhulupililo eyo yaariiwana.

Aheberi 13:7 ပူးပေါင်းရင်းမြစ်များ

Aheberi 13:17

Muwiiwellelleke oohoollellaanyu ni waagonjera vawi alliwa ennawehera mirima ddanyu enthawi ettheene vawi eneerotthopoolla mitteko ddiwa vamiitthoni va Mulluku. Mwawiiwellella eneerekophara muttekwiiwa moohakallalla. Mwaaheera ddiiddo, eneerokhumuwa nave kheyuukaviherani nyuwaano.

Afilipi 3:17

Asinnaka ni arokoraka kittakihekeni miyaano. Nave woonekeni ayo enathwara echisanzo yawoona eyo nuuvahilleeyeni.

Aheberi 6:12

Khaninapaalla wi nyuwaano mukhalle oolesi koma mukhalle wonanko ookhulupilila ayo enavillella ophiyera yaakhenlle eyo Mulluku aalonjezilleeye.

1 Atesalonika 1:6

Mwaanittakihera hiyaano ni Apwiya. Nave naari mwahoosiwe wunchichi, mwahaakhella othenga ni ohakallalla woovenyera wa Munepa Waweella.

Mitteko 14:23

Va orive mpingo yahaatthoollavo attekweene nave ni mavekello owaakattho ohalla ocha* yahaavelleella wa Apwiya, ayo yaakhulupililiiwa.

Mateyu 24:45

“Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

1 Timoteo 3:5

Vawi muthu ahinawora weetiha nibanja naye phaama, aneetihe mwawiidde mpingo wa Mulluku?

Aheberi 13:24

Mukivelleellelle mooni wa awuuhollellani attheene ni wa athu attheene a Mulluku. Asinninyu ni arokorinyu o Italiya eni mooni.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

1 Akorinto 4:16

Vano kinimuuvekani wi mukittakihere miyaano.

Aroma 10:17

Sika vano muthu anakhalla ni echikhulupililo ekaamba yawiiwa othenga nave othengooyo onaphiya oyeella mu omullalleya Khrisitu.

Mitteko 4:31

Yamallihalliiwa ovekellanko, vanipuroni mvo yatthukumanniiwa vaatikheya. Attheenaayo yaaddalliwa ni Munepa Waweella nave yaamba ollalleya othenga wa Mulluku moollipa murima.

Nchipo na Solomoni 1:8

We ooreeresesa variyari va anamwalli attheene, ethiyo khonadduwella nipuronno? Khullamathwara mphitto wa eziwetonnddo nave ochiheke epuri ddawo vakhwipi ni misasa dda abusaayo.

Yawuupullulla 6:9

Nave mwaanaankhosa aamarulla yoomarella yaneetthanu. Vano kahoona vatthi va nikuwa minepa dda athu ayo yiiphiwe ekaamba yoollalleya mawu a Mulluku ni wi yaari oororomelleya voovelleellani omboni wa echikhulupililwiiwa.

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

2 Atesalonika 3:9

Naheera ddenndda ohiri kaambiiwa khaninna olamulello wooveka nikavihero nanyu koma wi nikhalle echisanzo ya nyuwaano wi muthwareke.

1 Akorinto 11:1

Khallani ookittakihera miyaano wonanko miyaanottho kinamuttakiherelleemi Khrisitu.

Luka 12:42

Apwiya yahaakhulla wi, “Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Luka 8:11

“Ottaphullella wa niphwanaphwaniho nenna tti nngu, mmiddooyo sika mawu a Mulluku.

2 Atesalonika 3:7

Nyuwaano munnadduwella phaama ddene wi munnaphwanella onittakiha. Hiyaano khanaarina olesi nakhalleehu ni nyuwaano.

1 Akorinto 10:13

Weesiwa orive ottheene nko onuuphiyereni tti wenko onamuphiyera arive muthu. Nave Mulluku tti oororomelleya nave khaakhullella wi nyuwaano mweesiwe ohiyana ni masivaanyu awiimella moollipa. Koma enthawi eyo muneesiweenyu aneerowinnyani ettilla yawi muvulluwellemo sika muneerowora ovillella.

Mitteko 13:46

Koma Paulo ni Baranaba yaallota moollipa murima wi, “Waari woophwanella wi mawu a Mulluku ellotiwe wa nyuwaano vawaamba. Ekaamba yawi mohaakhoota, mohooniha wi khamunaphwanella okumi woohimalla, nineerewuuhiyani niye wa athu ayo ehiri Ayuda.

Luka 5:1

Nllapo nimodda Yesu ahiimella mukhwipi mwa enyanja ya Genesareti nave athu yaanakakhana moompanikiza wi yiiwe mawu a Mulluku.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.