Aheberi 13:6 - Mawu a Mulluku

⁶ Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Aheberi 13:6 ပူးပေါင်းရင်းမြစ်များ

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Masalimo 124:8

Nikavihero nahu ninavenyera wa Apwiya, ayo yaphatusalle oddullu ni ellapo yavatthi.

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.

Masalimo 56:4

Kinnamutitimiha Mulluku ekaamba ya mawaaye, kinnamuroromella olliye moohoova. Ethiyo muthu ttuukeerella tini?

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Masalimo 54:4

Koma Mulluku sika anakikavihera, Apwiya sika enaseera okumaaka,

Masalimo 33:20

Mirima ddahu ddinnaaroromella Apwiya kaambiiwa alliwa tti nikavihero ni yawiitetezellaahu.

Masalimo 63:7

Nyuwaano mookhalla nikavihero naka, sika kiniipa moohakallalla vatthi va muuphellwaanyu.

Masalimo 94:17

Apwiya yahikikavihereke, ddaano kiviralle o ellapo ya oohillota.

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Aefeso 3:12

Mu eyaattano ni Khrisitu ni oyeella mu echikhulupilwaahu mwa olliye, ninnallipa murima oya vamiitthoni va Mulluku moohikayikella.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

Masalimo 27:9

Muhikiipitthihelle ekhovaanyu. Muhikikhoote moonanariwa mi oorumeyellaanyu. Nyuwaano mookhalla mukikaviheraka. Muhikitathille, muhikihiye meekha, nyu Mulluku oovullusaaka.

Masalimo 146:3

Muhinaaroromellaka mamwene apaalle athu amodda ayo ehinawora ovullusa.

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Eksodo 18:4

Mose aamuvaha mwanaye aneepiilli nnddina nawi Eliyezere, (ekaamba yawi aallota wi, “Mulluku a attiitthaaka sika nikavihero naka nave aakivullusa o nsupada na Farao.”)

Aheberi 10:19

Asinnaka ni arokoraka, nikhame na Yesu ninanillipiha murima wi nineerovollowa mu nipuro naweellesesa.

1 Samuele 23:17

Yonatani aamulleella Davide wi, “Ohoove, attiitthaaka khewiipha. Oneerokhalla mwene a Aisraele nave miyaano kineerokhalla aneepiilli wa weyaano. Attiitthaaka ennadduwellattho ddenndda.”

1 Mamwene 17:8

Vano mawu a Apwiya yaawa wa Eliya wi,