Aheberi 13:5 - Mawu a Mulluku

⁵ Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Aheberi 13:5 ပူးပေါင်းရင်းမြစ်များ

Deuteronomo 31:8

Apwiya aneeniiwa eneerewuuhoollella nave eneerokhalla ni weyaano. Kheyuuhiya weekha apaalle wuutathilla, sika ohoove apaalle otathilla murima.”

Yoswa 1:5

We Yoswa khaavo anaawore wuugonjiha mu okumaawo muttheene. Miyaano kineerokhalla ni weyaano wonanko mmo kakhallelleemi ni Mose, ngiwa kuuhiya.

Deuteronomo 31:6

Khallani amasiva ni oollipa murima. Muhiwoove athu yaalla apaalle otathilla murima kaambiiwa Apwiya Mullukwaanyu eneerewuuhoollellani nave kheyuuhiyani nyookha apaalle wuutathillani.”

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

Yesaya 41:17

Oopaneya ni oohoowa vawaashaashani maaddi, koma oohaaphwanya nave ommilloni wiwa wohumma, mi Apwiya kineerewaakhulla ovekella wiwa, miyaano Mulluku a Israele ngiwa kaahiya.

1 Epilli 28:20

Vano Davide aallota wa Solomoni mwanaye wi, “Llipa murima nave phara muttekooyo. Ohoove nave ohitathille murima vawi Apwiya Mulluku oyo tti Mullukwaaka ari ni weyaano. Kheyuukukureyiha navettho kheyuuhiya weekha ophiyera mutteko muttheene woomaka enyumbiiwa omanlle.”

Masalimo 37:25

Waambeella esombwaaka ophiyera wuulluvalla wakanngu, nginamooneke oolungama ahiyiwe ni Mulluku, apaalle edduullu ddaye ddivekaka yoocha.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Masalimo 37:28

Apwiya ennakonda echilungamo, kheyaahiya athwiiwa oororomelleya, eneerewaasunga wa enthawi yoohimalla, koma eneerowoonga athu oonanara.

Mateyu 6:34

Vano muhikhupanyeke ni ddoosiisello vawi osiisello oneerewiikhupanyella mwa weekhiiwa mookwakhwanella. Nirive nllapo nookhalla ni ddookatamiha ddaye ddookwakhwanella.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Luka 3:14

Akhoto amodda yaamukohattho wi, “Hi neereke tini?” Nave ahaakhulla wi, “Muhaakheke ddeko dda athu moowoopopiha apaalle moowootthera, mukwakhwanihiweke ni mallivellwaanyu.”

Ezekiele 33:31

Athwaaka ennatthukumana wa weyaano enakeraatthi vatthi wi yiiwe nnddo onalloteewe. Koma yaddiiwa khenaddithwara. Ddoollota ddiwa ddinnooniha echikondi koma mirima ddiwa ddiri va opindula.

Masalimo 119:36

Keeriheni wi kikondeke malamulwaanyu, woohikhalla eyuuma.

2 Petro 2:14

Enthawi ddittheddene miitthwiiwa enakhalla va weera ddooraruwa nave minkhella ddiwa ddoochimwa khaddinakwakhwanihiwa. Ennaalleka athu oohikeraattheya. Mirima ddiwa ddaahuddihiwa okhalla a nrima. Tti ootembeleliwa ni Mulluku!

1 Timoteo 3:3

Ahikhalle muthu oolezela apaalle amaraapwa koma oomaalleya ni ookonda murendelle nave ahikhalle ookonda makobiri.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

2 Petro 2:3

Ekaamba ya nrima ahuddihi awoottha yaalla eneerewuullekani vawuulleellani miyaha ddawoottha. Ollakiwa wiwa wookhozeka khalle nave oowoonongiiwa khanakona!

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Eksodo 2:21

Sika Mose ahaakhullella okhalla wenko nave Yetero aamuvaha Mosooyo mwanaye, Zipora wi akhalle mwaariye.

Aefeso 5:3

Vawi nyuwaano tti athu a Mulluku, khe waphaama wi oraruwa apaalle yooripiha apaalle nrima ddillotiweke variyari vanyu.

1 Akorinto 5:11

Eyo kaakeemi tti yawi munaphwanella wi muhaattane ni muthu oyo aniiromolla yeekha wi tti oomukhulupilila Mulluku koma ari ooraruwa apaalle anrima apaalle oollapella mafano apaalle olalata apaalle oolezela apaalle mullupaawiiya. Muhicheke vamodda ni muthu awi ddiidda.

Luka 8:14

Mmiddo wamorenlle variyari va miiwa onaphwanaphwana ni athu ayo yiiwalle mawu a Mulluku. Koma vatulli viwa ennakhuneelliwa ni ddookhupanyiha ni ddoohakallalliha okumi ni okonda eyuuma. Nave ezipaso ddiwa khaddinawaraalla.

Mariko 7:22

echigololo, nrima, ddittheddene ddoonanara, olleka, makhallello oonanara, ehache, ollotella amodda epewe wiitukhulla ni okarangeya;

Eksodo 20:17

“Ohisilile enyumba ya mukhwaawo. Ohimusilile mwaara a mukhwaawo, mullupa muttekwaaye aamullopwana, mullupa muttekwaaye aamutthiyana, eng'ombaaye, bulwaaye apaalle erive ello ya mukhwaawo.”

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Aroma 1:29

Mirima ddiwa ddooddalla ni ddoonanara ddoohiyanahiyana wonanko, millilli ni echillu. Yooddalliwa ni nrima wiipha, owana, woottha wiitana ni miseche.

Yoswa 7:21

Variyari va eyuumeelle, kahoonavo mukanjo wooreera wa o Babiloni ni makilogaramu meelli a siliva navettho mwitthi wa golide woollemella hafu kilogaramu. Ddittheddenenndda kaaddipaalla wunchichi nave kaaddaakha. Muneeroddiphwanya variyari va musasaaka mvo kiddivitthalleemi. Muneeromuphwanya siliva vatthi va ddeko ddimoddannddo.”

Genesis 31:5

Aphiyallewo, olliye ahaalleella wi, “Kohoona wi attiitthiinyu khenakipwatha wonanko yeerelliiwa khalle. Koma Mulluku a attiitthaaka ookhalla ni miyaano.

Deuteronomo 4:31

Vallethi Apwiya Mullukwaanyu tti Mulluku eechifundo sika wi kheyuutathillani apaalle owoonongani apaallettho otiwalla echipangano ya makhollwaanyu eyo allupenlleeye ni alliwa.

1 Samuele 10:7

Vano woona ezizindikiro ddenndda, weere eyo eri yaphaama wa weyaano vawi Mulluku ari ni weyaano.

1 Mamwene 6:13

Nave kineerokhalla variyari va Aisraele, ngiwa kaahiya athwaaka Aisraele.”

1 Mamwene 8:57

Apwiya Mullukwaahu ekhalle ni hiyaano wonanko yakhallelliiwa ni makhollwaahu, ahinihiye apaalle onitathilla.

Miyambo 23:4

Ohiitopihe ni waashaasha eyuuma, khalla eezeru wi wiihiihe.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Mateyu 6:19

“Muhiitthukumanihelleke eyuuma va ellapo yavatthimva, mvo enjenjete ni murawa ddinnoonongiiwa navettho mvo allupaawiiya ennakhuvulla enyumba ni wiiya.

2 Akorinto 4:9

Ninnahoosiwa koma oohitathilliwa ni Mulluku. Nave naari ninnavoreyiwa, khaninoonongeya.

Genesis 30:31

Nave Labani aamukoha wi, “Ethiyo kuullivelle tini?” Yakobo ahaakhulla wi, “Nginapaalla ollivelliwa erive ello. Komave kineerovirellella wuuchihellani eziweto ddanyu mwaakhullella weera nnddo kineereemi killote.