Aheberi 12:3 - Mawu a Mulluku

³ Muupuwelleke dda Yesu oyo avilleenlle orive ohoosiwa ekaamba ya athu amodda oochimwa ayo yamuwukilalle wi muhifooke ni otathilla murima.

Aheberi 12:3 ပူးပေါင်းရင်းမြစ်များ

Agalatiya 6:9

Sika nihitope vaweerani ddaphaama vawi enthawi eneerokwakhwana eyo nineereehu nitthukumanihe ddoohata.

2 Akorinto 4:16

Ekaamba ya yeella hiyaano khaninatathilla murima. Naari miilli ddahu dduntaka vang'ono vang'ono, mirima ddahu ddinnakhallihiwa ddanaanweene nllapo ni nllapo.

Yawuupullulla 2:3

Munnavillella, moohoowa ekaamba ya miyaano koma khamukihiyalle.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

2 Akorinto 4:1

Mulluku mu echifundwaaye oonivaha mutteko yoolla wi niphare, sika vano khenitathilla murima.

Yohane 5:16

Sika Ayuda yahaamba omuhoosa Yesu kaambiiwa aachiriha nllapo na Sabata.

1 Samuele 12:24

Muwooveke Apwiya nave mwaarumeyelleke mookhulupilileya ni murimaanyu muttheene. Enthawi ddittheddene muupuwelleke ddeko dduullupalli nnddo eweerelleewani.

Aheberi 12:5

Ethiyo mootiwalla mawu oollipiha murima a Mulluku uuhuddihalleeyeni nyuwaano wonanko anaaye wi, “Mwanaka ohinavevullaka ollaka wa Apwiya apaalle otathilla murima yaawuuhumullullaka?

Luka 14:1

Va nllapo na Sabata Yesu aaya o enyumba ya mmodda a attekweene a Afarisi* wi ache nave yaamweetellella.

Deuteronomo 20:3

‘Ngiiwani nyu Aisraele! Ollello munaya mwawane ni adanaanyu. Muhitathille murima nave muhiwoove apaalle waatthukumellella.

2 Atesalonika 3:13

Nave nyuwaano, asinnihu ni arokorihu, muhitope vaweerani ddaphaama.

Yohane 18:22

Yesu aallotilleeye ella, mmodda a akhoto oyo amwaatamenlle aamuukutha, allota wi, “Onamwaakhulla mullupa mukutho muullupalli mwawi ddiidda?”

Yohane 8:52

Ayudaalle yaallota wi, “Vano noodduwella wi mookhalla ni munepa woonanara. Abrahamu aakhwa nave anamallotella yaakhwa. Sika nyuwaano munihina, ‘Muthu anasunga mawaaka m'murimani mwaye khawa akhwa.’

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Miyambo 24:10

Wafooka nllapo na otulli masivaawo ennayeva.

Yohane 8:59

Vano yaatota malluku wi emuvokhe Yesu. Koma Yesu ahiipittha yeekhaaye nave akhumamo mu enyumba ya Mullukweelle.

Yohane 8:13

Afarisi yaallota wi, “Oniivelleellella omboni weekhaawo, sika ombonaawo tti woohiroromelleya.”

Yohane 7:12

Nave athu yaanong'ona mmodda ni mukhwaaye dda olliyooyo. Amodda yaallota wi, “Olla tti muthu aphaama.” Koma amodda yaallota wi, “Iyaayi, yoolla anawoottottha athu.”

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Luka 15:2

Afarisi* ni ahuddihi a malamulo* yaananariwa ellota wi, “Muthoolla annawaakhella athu oochimwa naari ochana wene.”

Luka 5:21

Ahuddihi a malamulo ni Afarisi yahaamba wiikoha weekhiiwa wi, “Muthu yoolla ttaani, anamullotella epewe Mulluku! Mullukuve sika anawora okhululukella machimo.”

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

Mateyu 22:15

Afarisi* yaarowa yiiwanana wi emphwanyelle mullatu Yesu ni nnddo anaalloteeye.

Mateyu 21:46

Sika yaapaalla wi emmake koma yawoova athwaayo kaambiiwa yamwaakhullella Yesu wi tti namallotella.

Mateyu 21:23

Yesu aahokollweella mu enyumba ya Mulluku nave ahuddiheeye allupa mukutho uullupalli ni attekweene yaamuweella emukoha wi, “Muneera ddenndda ni olamulello woovenyera wuuwi? Uuvahilleni olamulello yoolla ttaani?”

Mateyu 15:2

“Kaambiiwa tini oohudderaanyu kheniiwellella ehuddiho ya makhollwaahu?* Vawi yaachaka khenanawa moollikana ni ehuddihweella!”

Mateyu 12:24

Koma Afarisi yiiwalliiwa nndda, yaallota wi, “Tti Belezebulu,* muullupalli a minepa ddoonanara, anamuvaha Yesu masiva ookhumiha minepa ddoonanara.”

Mateyu 11:19

Mi, Mwaana a Muthu, kiwiille kaacha ni omuwirya vinyo nave athu yaallota wi, ‘Ngamooneni, muthoolla tti oottutthuwa, oolezela, akhwaayettho tti ookhomiha misonkho ni amodda oochimwa!’ Komave ezeru dda Mulluku ddinooneya wi tti ddawoona oweella m'mittekoni ddiwa.”

Yohane 9:40

Afarisi amodda yamwaatamenlle yaamwiiwa alloteeye ddenndda nave yaamukoha wi, “Hittho khaninoona?”

Yohane 10:20

Anchichi mwa yaayo yaallota wi, “Yoolla ookhalla ni munepa woonanara nave tti mullupaanepa. Munamwiiwellellella tini?”

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.