Aheberi 12:2 - Mawu a Mulluku

² Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 12:2 ပူးပေါင်းရင်းမြစ်များ

Mika 7:7

Koma miyaano, kinaaroromelle Apwiya. Murimaaka kinaahiye va Mulluku Oovullusaaka vawi Mullukwaaka aneerokiiwa.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Afilipi 1:6

Nave kinimasimikiza wi Mulluku, oyo aambille mutteko waphaama yoolla mwa nyuwaano, aneerovirellella ophara ophiyera akuthullalle va Nllapo na owa wa Khrisitu Yesu.

Aheberi 9:28

Emoddamoddave yeeyo Khrisitu aaheraatthiwa mukutho omodda wi atukhulle ni ohuwa machimo a athu anchichi. Aneeroowa wiilli oohikhalla wi eellihe machimo koma aavulluse ayo enamutiyera.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Luka 24:26

Khaphwanenlle Mesiya* wi allakiwe ahinavollowe mu ntitimiho naye?”

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Yuda 1:21

Mukhalleke mu echikondi ya Mulluku, mwaatiyeraka okumi woohimalla oyo Apwiya Yesu Khrisitu eneeriiwa yuuvaheni mwa echifundwiiwa.

Aheberi 8:1

Mwaha muttheene ninalloteehu tti wawi nookhalla ni mullupa mukutho muullupalli, oyo anakeraatthi onnattanatta na mpando woomwene wa Mulluku Amasiva Mattheene ooddullu.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Afilipi 3:20

Koma hiyaano owanihu tti oddullu nave nnamutiyera oovullusaahu, Apwiya Yesu Khrisitu wi awe ovenyera wenko.

Mariko 14:36

Nave avekellattho wi, Abba, Attiitthaaka ddeko ddittheddene ddinaworeya ni nyuwaano. Mukivenyiherevo kapu a ddookatamihoolla. Ohiri opaalla waka koma opaalla wanyu weereye.”

Yesaya 8:17

Kineerewaatiyerella Apwiya ayo yiipitthihalle ekhoviiwa va nibanja na Yakobo nave kineereewaatiyerellesesa.

Yawuupullulla 2:8

“Omulembelle oohoollella a mpingo wa o Smurina wi, “Alla sika mawu oovenyera wa oyo ari awaambeella ni oomallihella, oyo akhwille koma vano ookhallattho mukumi awi,

Aheberi 13:13

Hankoni vano niye wa olliye otte wi navevulliwekena nimodda.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Luka 17:5

Amurummwa yaallota wa Apwiya wi, “Munnuwihe echikhulupililwaahu.”

Mariko 9:24

Enthawi yeeyo attiitthinnyaayo yaakhuwa wi, “Kinnakhulupilila koma mukikavihere wi kihikayikeke.”

Aheberi 12:3

Muupuwelleke dda Yesu oyo avilleenlle orive ohoosiwa ekaamba ya athu amodda oochimwa ayo yamuwukilalle wi muhifooke ni otathilla murima.

Aefeso 2:16

Okhwa wa Khrisitu vamutandani waamalliha wiitana wiwa. Mutanda wahaattaniha milloko miillinndde okhalla wonanko mwiilli mmodda ni waahokollosella attheene wa Mulluku.

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Yohane 12:32

Nave miyaano katthomeyiwa vamutandani, kineerewaatthukumaniha athu attheene wa miyaano.”

Masalimo 138:8

Apwiya eneerewoonesesa wi yoolingiiwa va miyaano yoheereya, Nyu Apwiya, echikondaanyu tti yoohisintheya, mukhwaranyihe mutteko mwaambilleenyooyo.

1 Petro 1:11

Yaheesa okoha wi enthawi enaakwakhwane niini nave enaawe mwawiidde. Ella yaari enthawi eyo Munepa wa Khrisitu waakiiwa, voollohellani ddoohoosa nnddo Khrisitu eereeye avillelle nave ntitimiho neeriiwa nithwarellelle.

Aheberi 10:14

Ni mukutho mmoddoolla, aaweeriha wi ekhalle aphaama woohimalla athu ayo aweellihalleeye.

Yohane 12:24

Ddawoona, kinimuulleellani wi, mmiddo wa tirigu waahimora muthayani, okhwa, yooyo onakhalla va weekhiiwa. Koma wakhwa onimma ezipaso ddinchichi.

Yohane 8:56

Attiitthaanyu Abrahamu aanatiyerella wi oone nllapo na ophiyera waka vano ahoona nave aahakallalla.”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Luka 23:11

Vano Herode ni akhotwaaye yaamweerella ni omullotella epewe Yesu. Yaamuwariha mukanjo woomwene, emuhokollosella wa Pilato.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

Yesaya 31:1

Otulli wa athu ayo enaya o Iguputo wooveka nikavihero. Alliwa enaaroromella akavalwiiwa, waata wa magaretiiwa akhoto ni masiva a akhotwiiwa oowella va akavalo. Koma khenamuroromella Aweella a Israele apaalle oveka nikavihero na Apwiya.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

Aheberi 1:13

Mulluku khaallotille wa mmodda a angelwaaye wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Mitteko 2:36

“Vano Aisraele attheene edduwellesese wi Yesu olla mwamutthomeyilleenyu vamutandani, tti oyo Mulluku amweenreeye wi akhalle Apwiya navettho Mesiya!”

Mariko 9:12

Nave aawaakhulla wi, “Ddawoona, Eliya sika anaawe moowaambeellella wi apotokose ddeko ddittheddene. Nave kaambiiwa tini mawu a Mulluku enallotiiwa dda mi, Mwaana a Muthu wi kineerohoosiwa wunchichi naari okhootiwa?

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Aheberi 11:36

Amodda yaattheyiwa ni owashulliwa, yaamakiwa ni onyolo nave ehiyiwa mundende.

Aheberi 10:33

Enthawi ddimodda yaanuunyambusani ni oweerellani epewe vamiitthoni va athu. Enthawi ddimodda mwaanakhalla vamodda ni athu ayo yahoosiwa.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Mitteko 3:15

Nave mwaamwiipha oyo aari oovaha okumi koma Mulluku aamuvenyiha wa ookhwa nave hiyaano tti amboni a ddenndda.

1 Akorinto 1:18

Othenga wa okhwa wa Khrisitu vamutandani tti wookarangeya wa ayo enaawoonongeye. Koma wa hiyaano ninaavullusiwe ori masiva a Mulluku.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

Yakobo 2:1

Asinnaka ni arokoraka vawi munnaakhulupilila Apwiihu Yesu Khrisitu, Apwiya antitimiho, muhinakondellaka variyari va athu moollikana ni wooneya wiwa.

Numeri 21:9

Sika Mose aapanga enowa ya mukuwa, ayitthomeya vamuteekhoni. Nave arive muthu allumiwa, aweha enoweeyo, aanakhalla ni okumi.