Enthawi yookwakhwana wi echiweruzo yaambe nave athu a Mulluku sika enaambe weeruziwa. Yaamba ni hiyaano, enaamalle mwawiidde wa ayo ehinakhulupilila othenga waphaama wa Mulluku?
Khe ekaamba ya echilungamwaanyu apaalle oreera wa murimaanyu wi muneerewaakha ellapwiiwa koma tti ekaamba yawi athwaayo tti oochimwa sika Apwiya enawiikarelliiwa navettho wi Apwiya tti oororomelleya va echipanganwiiwa eyo yallupenlliiwa wa makhollwaanyu Abrahamu, Isaki ni Yakobo.
Ellapo ella onakhalleewemo wonanko mulleto, kineerewuuvaha weyaano ni edduullu ddawo. Ellapo ettheene ya Kanani enaakhalle ya edduullu ddawo wa enthawi yoohimalla nave miyaano kineerokhalla Mullukwiiwa.”
Oweella mwa olliye, nahaakhella echisomo yookhalla amurummwa wi ekaamba ya Khrisitu naahoollelle athu a mitundu ddittheddene wi yiiwellelle ni okhulupilila.
Vano Tera aamukusa mwanaye Abramu ni edduullwaaye Loti, mwaana a Harani, vamoddattho mvokohaaye Sarai, mwaara Abramu. Aatimulla olendo ovenyera o Uri, o Babiloni oya o ellapo ya Kanani. Koma aaphiya o Harani, nko yakeraattheyeewawo.
Abramu aamukusa mwaariye Sarai, Loti mwaana a mung'onong'onwaaye ni eyuumaaye ettheene ni akaporo aariiyena o Harani. Sika ahaamba olendo wooya o Kanani. Ephiyalle o Kanani,