Aheberi 11:7 - Mawu a Mulluku

⁷ Ekaamba ya echikhulupililo, Mulluku aamuchenjeza Nowa dda ddeko ddamuhoollo nnddo ddaari ddihinooneye. Ahiiwellella nave aamaka ekallawa wi aavullusellemo athu attheene a mu nibanja naye. Sika ahaavaanyiha athu a ellapo yavatthi wi tti oochimwa nave ahaakhella echilungamo yoovenyera o echikhulupililo.

Aheberi 11:7 ပူးပေါင်းရင်းမြစ်များ

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

1 Petro 3:20

Ddenndda tti minepa dda ayo yahimwiiwellelle Mulluku atiyereeye mookhurumusa murima m'mallaponi ayo Nowa amakeeye ekallawaaye. Vano athu ooyeva atthanu ni araru, yaavullusiwa m'maaddini.

Ezekiele 14:14

Naari athu araru, Nowa, Daniele ni Yobu yaariki wenko yaavulluse okumiiwave ekaamba ya ororomelleya wiwa. Mi Apwiya Mulluku koollota.”

Aroma 4:13

Mulluku amulonjezilleeye Abrahamu vamodda ni edduullu ddaye wi ellapo yavatthi ewe ekhalle yayiwayayiwa, ohiri kaambiiwa Abrahamu ahiiwellella malamulo koma kaambiiwa aalungamihiwa ekaamba ya echikhulupililwaaye.

Luka 17:26

Ddakhallelliiwa enthawi ya Nowa, ddinaakhallettho ddiiddo enthawi ya miyaano, Mwaana a Muthu.

Afilipi 3:9

nave wi kaattanihiwe ni olliye. Nginnattho echilungamo yaakayaaka yoovenyera mwa wiiwellallani malamulo. Koma vano kookhalla ni echilungamo yoovenyera wa Mulluku oweella mwa echikhulupililo mwa Khrisitu.

Agalatiya 5:5

Nave hiyaano, otiyera wahu tti wawi Mulluku anilungamihe wa olliye nave ella sika ninatiyereehu mwamasiva a Munepa a Mulluku oyo onaphara mutteko oyeella mu echikhulupilwaahu.

Ezekiele 14:20

Naari athu araru Nowa, Daniele ni Yobu yaariki wenko akumi kheyaawore waavullusa aniiwa. Yaavulluse okumiiwave ekaamba ya echilungamwiiwa.”

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Aroma 3:22

Koma Mulluku annaalungamiha athu ekaamba ya echikhulupililwiiwa mwa Yesu Khrisitu. Mulluku aneera yeella wa athu attheene enakhulupilila mwa Khrisitu kaambiiwa khuwaavo ohiyana variyari va Ayuda ni athu ayo ehiri Ayuda.

Aroma 1:17

Vawi othengoolla onuupullulla wi echilungamo eneeriiwa ni Mulluku oweella mu echikhulupililove. Mawu a Mulluku eni, “Muthu oyo alungamihiwe ni Mulluku oweella mu echikhulupililo aneerokhalla ni okumi.”

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Miyambo 27:12

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

Genesis 7:23

Apwiya yahoononga ddookumi ddittheddene dda va ellapo, athu, enama, ddawaapadda ni epallame. Nowa yeekhave aavulluwa ni attheene aariiyena muchomboni.

2 Petro 3:6

nave ellapo yavatthi yakhalle yahoonongiwa ni maaddi yaayo, maaddi oosefukella.

2 Petro 2:5

Mulluku khaawalleville khalle athu a va ellapo yavatthi koma ahaarumiha maaddi eddalla va ellapo yavatthi ya athu oohimullapella Mulluku. Ayo aavullusalleeye tti Nowa, oyo allalleya dda echilungamo ni athu amodda atthanu ni eelli.

2 Petro 1:1

Ovenyera wa miyaano Simoni Petro, mullupa mutteko ni murummwa a Yesu Khrisitu. Kinalembella wa ayo evahiwe echikhulupililo yoowallamella ophwanaphwana ni yaahu oweella mu echilungamo ya Mullukwaahu ni Oovullusa Yesu Khrisitu.

Aheberi 11:1

Okhalla ni echikhulupililo onattaphullella wi ohikayikella ddeko ninatiyerelleehu ni osimikiza wi ddeko nnddo nihinaddooneehu ddookhallawo.

Aroma 10:6

Koma eyo enallotiiwa mu mawu a Mulluku dda okhalla oolungama vamiitthoni va Mulluku oweella mu echikhulupililo tti yawi, “Muhiikohe weekhiinyu wi, ttaani anaawelle oddullu?” (Ottaphullella wi amulleelle Khrisitu wi akitthe).

Aroma 4:11

Aphaddiwe wi ekhalle echizindikiro ya olungamihiwa ekaamba ya echikhulupililo eyo aariiyena ahinaphaddiwe. Yoolinga yaari yawi akhalle nikhollo na athu attheene oohiphaddiwa koma enamukhulupilila Mulluku nave awaakhullelliwa ni Mulluku wi tti oolungama.

Mateyu 24:38

Vawi m'mallaponi yaalle, ehinasefukelle maaddi, athu yaamoona ocha ni owirya, yaatthella ni otthelliwa, ophiyera nllapo nenno Nowa avollowilleeye mukallawani.

Mateyu 24:25

Ngiiwani! Kohuulleellani enthawi ehinaphiye.

Genesis 19:14

Enthawi yeeyo Loti aaya wa asombwe ayo yapaalla waatthella anaaye aalleella wi, “Akuvani, hankoni nikhumewo wuno, ekaamba yawi vihanlle enthawi vang'ono wi Apwiya yoononge nipuronna.” Koma alliwaayo yaganiza wi aamasellulla.

Genesis 7:5

Nave Nowa aheera ddittheddene nnddo Apwiya yalamulalliiwa.

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Aroma 9:30

Sika ninallota wi athu ayo ehiri Ayuda, ayo yahaashaashille wiilungamiha weekhiiwa vamiitthoni va Mulluku yaalungamihiwa ni olliyooyo oweella mu echikhulupililwiiwa.

Miyambo 22:3

Muthu oochenjera oona ello yawoopiha anniipittha koma eenamwani annayithwara ophiyera annallivihiwa.

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Genesis 8:16

“Weyaano ni mwaariyo, anaawo ni awariwa, khumani muchomboni.

Genesis 6:22

Sika Nowa aheera moollikana ni mmo Mulluku amulamulelleeye.

Ezekiele 33:5

Nikhame ninaakhalle va muru vaye kaambiiwa khaapwathille ochenjeza. Apwathilleke eerovulluwa.

Mateyu 2:12

Vano Mulluku aachenjezille muullohani wi ehihokollweelle wa Herode, yaahokollweella owaniwa oyeella ettilla emodda.

Aheberi 8:5

Mutteko onaphariwa ni allupa mukuthwaayo tti echisanzo ni echizindikiro ya ddeko ddineereya mu enyumba yooddullu. Nndda ddiri wonanko ddeereyille ni Mose aariiye vakhuviru otthipella musasa, Mulluku aamulleella wi, “Weerethi ddittheddene ollikana ni echisanzo woonihiweewe vamwaangoni valle.”

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

2 Mamwene 4:5

Mutthiyanooyo aavenyawo wa Elisha aya iiwallella mpa ni anaaye eelli. Vano olliye ahella makhura m'munoni oddalla, anaaye yaanawa ni muno mmodda.

Yobu 35:8

Onanara wanyu onnaahoosa athu echilungamwaanyu ennaaddivella athu amodda.