Aheberi 11:6 - Mawu a Mulluku

⁶ Khaavo anaamuhakallallihe Mulluku ahinna echikhulupililo vawi oyo anapaalla omwaatamella Mulluku akhallena echikhulupililo yawi Mullukooyo ookhallawo. Nave aneerewaathuva athu enamwaashaasha.

Aheberi 11:6 ပူးပေါင်းရင်းမြစ်များ

Miyambo 8:17

Kinnaakonda ayo enakikonda, ookaashaasha ennakiphwanya.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Luka 12:31

Koma yawaamba mwaashaasheke omwenaaye nave aneerewuuvahani ddeko ddenndda.

Masalimo 119:10

Kinnawaashaashani ni murimaaka muttheene, muhaakhullelle wi kihollowe ohiya malamulwaanyu.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Aroma 10:14

Koma enaawiithane mwawiidde alliwaayo ehinaakhulupilile? Nave enaakhulupilile mwawiidde ehiniiwe othenga? Nave eniiwe mwawiidde othengooyo ohinallalleyiwe?

Aheberi 3:12

Asinnaka ni arokoraka, chenjerani wi variyari vanyu vihikhalle mmodda a murima woonanara ni woohikhulupilila woomuhiyaniha ni Mulluku Ookumi.

Masalimo 73:28

Koma okhalla vakhuviru ni Mulluku onnakiddivella, koosimikiza wi Apwiya Mulluku sika woothawella waka, kineerollalleya mitteko ddiwa ddittheddene.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

2 Petro 1:5

Ekaamba ya yeella llipihellani waanjerera ddaphaama va echikhulupilwaanyu, va ddaphaama ddanyu mwaanjererevo odduwella,

Aheberi 4:6

Athu ayo yiiwalle othenga waphaamoolla vawaamba valle kheyaavollowille mu wiithuuwanko kaambiiwa kheyaawiiwellelle. Vano yookhallavo amodda ayo yaakhullelliwe wi evollowemo.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

2 Petro 3:14

Sika vano, akhwaaka ookondiwa, mwaatiyeraka Nllapo nenno, mweeseese okhalla aweella ni oohikhalla ni yoochimwa vamiitthoni va Mulluku navettho okhalla ni murendelle ni olliyooyo.

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Yohane 8:24

Sika kahuulleellani wi muneerokhwa ekaamba ya machimwaanyu vawi mwaahikhulupilila wi miyaano tti meene, muneerokhwa ekaamba ya machimwaanyu.”

2 Petro 1:10

Sika vano, asinnaka ni arokoraka, llipihellani wi wiithaniwa wanyu ni Mulluku ni wuutthoollani waye okhalle woohimalla. Mwavirellella weera ddiidda khamuwa mukwakwatuwa.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

Masalimo 78:32

Naari ddaari ddiiddo, alliwa yaavirellellave ochimwa. Kheyaakhulupililalle naari yoonille ddoottikhiniha ddaye.

Aheberi 4:2

Vawi othenga waphaama waallalleyiwa wa hiyaano wonanko wallalleyiwelliiwa wa alliwaayo koma othenga wallalleyiwooyo kheyaaphurallena ello kaambiiwa kheyaawaakhenlle ni echikhulupililo.

Miyambo 11:18

Muthu oonanara annallivelliwa ddoolleka koma oomidda echilungamo annathuviwa.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Numeri 20:12

Apwiya yaamulleella Mose ni Aroni wi, “Vawi khamwaakikhulupilinle nave khamoonihalle vamiitthoni va Aisraele wi miyaano tti aweella, khamwaavollochiha athwaalla mu ellapo eyo kaavahilleemi.”

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Aheberi 11:26

Aadduwella wi ohoowa ekaamba ya Mesiya* waari woopaalleya wunchichi ohiyana ni eyuuma ettheene ya mu Iguputo vawi atiyerella othuviwa.

Mariko 16:17

Ookhulupililaayo eneerokodduwanyeya kaambiiwa eneerekeweera ddoottikhiniha. Eneerokokhumiha minepa ddoonanara vooromollani nnddina naka nave eneerekollota ellotello ddoohidduwanyeya.*

Yesaya 55:3

Apellani maaru nave muwe wa miyaano, kiiwellelle wi mukhalle ni okumi. Kineerokeraatthiha ni nyuwaano echipangano yoohimalla, kineerowoonihani echikondi yoohisintheya ni yoohikayikiha eyo kamulonjezilleemi Davide.

Yesaya 7:9

Ellapo ya Efuremu enaroromella muzindiiwa muullupalli wa Samariya nave Samariya anamuroromella mwenaaye Peka. Mwaahillipa mu echikhulupililwaanyu, khamukeraattheya.”

Masalimo 58:11

Sika athu ellota wi, “Ddawoona, oolungama ennathuviwa, Mulluku ookhallawo oyo aneeruza ellapo yavatthi.”

Luka 6:35

Akondeni adanaanyu vooweerellani ddaphaama, kongolihani koma muhitiyere waakhella ello. Muneerothuviwa wuullupalli nave muneerokhalla anamwani a Mulluku muullupalli. Vawi tti aphaama wa athu oohithokoza ni oonanareene.

Masalimo 106:24

Sika alliwa yaavevulla ellapo yaphaama voohikhulupililani mawaaye.

Yobu 21:14

Enamulleella Mulluku wi, ‘Onivenyerevo! Khannapaalla odduwella ettilla ddawo.

Masalimo 78:22

vawi khaamukhulupililalle Mulluku. Khaaroromenlle masivaaye oovullusa.

Rute 2:12

Apwiya yuuhokolloselle ddaphaama nnddo weerilleewe. Apwiya Mulluku a Aisraele yuuvahe emphaso yuullupalli vawi woowa wa alliwa wi yuuteteze.”

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Mateyu 6:5

“Mwaavekellaka, muhinaphwanaphwanaka ni awoottha! Alla ennakonda wiimella ni ovekella mu enyumba ddamavekello ni m'makhullukano wi arive muthu awooneke. Ddawoona, kinimuulleellani wi yaallathi ahaakhella khalle yoothuviwiiwa.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Mateyu 5:12

Kotellani nave hakallallani kaambiiwa muneerothuviwa wuullupalli oddullu. Anamallotella yaahoosiwattho mwawi ddiidda khalle muhinayariwe nyuwaano.

Mateyu 11:26

Ee, Attiitthaaka, nndda ddeereye kaambiiwa ddahuuhakallallihani.