Aheberi 11:4 - Mawu a Mulluku

⁴ Ekaamba ya echikhulupililo, Abele aaheraatthi mukutho waphaama wa Mulluku ohiyana ni wa Kaini, sika ahaakhullelliwa wi tti oolungama. Mulluku mwaneenaaye aahakallalla ni mukuthwaaye. Naari akhwille, echikhulupililwaaye tti omboni wa hiyaano.

Aheberi 11:4 ပူးပေါင်းရင်းမြစ်များ

Aheberi 12:24

Moophiya wa Yesu namunkhoswe a echipangano yanaanweene nave moophiya o nikhame noomiddiwa nno ninalonjeza ddeko ddaphaama ohiyana ni na Abele neerelliiwa.

Genesis 4:10

Apwiya yaamukohattho wi, “Ethiyo weerille tini? Nikhame na mung'onong'onwaawo ninnakinllella miyaano ovenyera muthayani.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

Mateyu 23:35

Voothwarellellani, ollakiwa wa ayo yawiiphalle athu oolungama onaakhalle vamuruni va nyuwaano ovenyera va wiiphiwa wa Abele oolungama ophiyera va wiiphiwa wa Zakariya mwaana a Barakiya, oyo mwaamwiiphalleenyu variyari va nipuro naweella ni nikuwa na mukutho mu enyumba ya Mulluku.

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

Genesis 4:15

Koma Apwiya yaamwaakhulla wi, “Khe ddiiddo, arive muthu oyo anaawiiphe weyaano Kaini aneerollakiwa nave miyaano kineeromuhokollosella otthanu ni opiilli.” Sika Apwiya yaahiya echizindikiro va Kaini omuchenjeza arive muthu anaamuphwanye wi ahimwiiphe Kainooyo.

Genesis 4:8

Nllapo nimodda Kaini aamulleella mung'onong'onwaaye Abele wi, “Hanko niye omata” Ephiyalle omata wulle, Kaini aamurukunuwella mung'onong'onwaaye nave aamwiipha.

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Luka 11:51

waambeella va wiiphiwa wa Abele ophiyera va wiiphiwa wa Zakariya, oyo iiphiwe variyari va nipuro naweella ni nikuwa na mukutho mu enyumba ya Mulluku. Ddawoona, kinimuulleellani wi athu a mbadoolla eneerollakiwa ekaamba ya wiiphiwa wa athu attheenaayo!

Miyambo 21:27

Mukutho wa athu oonanara onnaananara Apwiya, ottepesesa avelleella ni yoolinga yoonanara.

1 Mamwene 18:38

Vaavo munllo wa Apwiya waamora oshellelliha mukuthooyo, ekhuni, malluku ni ethayeene. Munllooyo waawelleelliha maaddi ayo yaari mu engalandaalle.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Genesis 4:25

Adamu aakonattho ni mwaariye Heva nave aakusa erukullu amuyara mwaana. Vano Hevooyo aallota wi, “Mulluku ookivaha mwaana mmodda ovollowa munipuroni mwa Abele olle iiphiwe ni Kaini.” Mwaanooyo aamuvaha nnddina nawi Seti.

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Aheberi 5:1

Arive mullupa mukutho muullupalli anatthoolliwa ni athu akhwaaye wi awiimellelle voomurumeyellani Mulluku. Muttekwaaye sika oheraatthi mukutho ni emphaso ekaamba ya machimo a athu.

Aheberi 11:2

Tti echikhulupililo yeella yaweerihalle makhollwaahu wi Mulluku ahakallallekena.

2 Petro 2:8

Muthu oolungamooyo akhalla variyari viwa nave nllapo ni nllapo aanahoosiwa m'murimani iiweeye ni woona ddaweera ddiwa ddoonanara.

Yobu 8:10

Ethiyo athu akhalle kheyuuhuddiha ni wuulleella, khellota ddavatthi va murimiiwa?