Aheberi 10:5 - Mawu a Mulluku

⁵ Khrisitu awiilleeye va ellapo yavatthi aallota wa Mulluku wi, “Nyu khamunapaalla mukutho ni emphaso, koma mwaakivaha miyaano mwiilli.

Aheberi 10:5 ပူးပေါင်းရင်းမြစ်များ

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.

Yesaya 7:14

Ekaamba ya yeella Apwiya weekhiiwa eneerewuuvahani echizindikiro. Ngoonani, namwalli aneerokhalla ni erukullu nave aneeromuyara mwaana aamullopwana nave aneeromuvaha nnddina nawi Imanuwele.

1 Petro 2:24

Khrisitu mwaneena aatukhulla machimwaahu m'mwiillini mwaye oyaana vamutandani wi omuthwaahu woochimwa okhwe nave wi nikhalleke oolungama. Moochirihiwa ekaamba ya makhwataaye.

Aheberi 1:6

Nave mvo Mulluku aariiye vakhuviru omukusa Mwanaye Awaamba ovollowana mu a ellapo yavatthi, aallota wi, “Angelwaaka attheene emullapelleke olliye.”

Aheberi 10:7

“Vano Khrisitu aallota wi, ‘Mullukwaaka, koowa wi keere ddoopaalla ddanyu, wonanko mmo ddalembelliwiiwa mu nibukhu na malamulo.’ ”

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Aheberi 10:10

Sika noheellihiwa kaambiiwa Yesu Khrisitu aamwiiwellella Mulluku vawiiheraatthini mukutho wawaamba ni wookomihera.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

2 Yohane 1:7

Ahuddihi awoottha anchichi ahooneya mu ellapo yavatthi ettheene, ayo ehinaakhullella wi Yesu Khrisitu aawa wonanko muthu. Muthu awi ddiiddo tti awoottha navettho tti mudani a Khrisitu.

Aheberi 8:3

Arive mullupa mukutho muullupalli anatthoolliwa wi aheraatthiki mikutho ni emphaso wa Mulluku nave sika mullupa mukuthwaahu muullupalli anaphwanellattho okhalla ni yawi aheraatthi.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Yeremiya 6:20

Ethiyo kinaaphurevo tini yawaana lubani* noovenyera o Sheba apaalle ddawunkhella ddimodda ddoovenyera o ellapo ddawoorekama? Ngiwa kaakhella mikutho ddiwa ddooshellelliha apaalle ohakallallana ddoovelleella ddiwa.

Mateyu 11:3

“Ethiyo nyuwaano tti oyo ninamutiyeraahu wi awe apaalle nimutiyereke mmodda?”

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Luka 7:19

Ahaarumiha wa Apwiya wi yamukohe wi, “Ethiyo nyuwaano tti oyo ninamutiyeraahu wi awe apaalle nimutiyereke mmodda?”

Yesaya 40:16

Otthako wa o Lebanoni khokwakhwanihella ekhuni ddookharihella munllo, enama dda mwemmo khaddikwakhwanella ovelleella mukutho wawoosa.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Aheberi 10:8

Malamulo enahuddiha wi ddoovelleella wa Mulluku ni mukutho wooshellelliha ddeereyeke ekaamba ya machimo. Koma vano kaambiiwa tini Khrisitu aneereeye wi Mulluku khanahakallallana ddenndda?